චීන ජනාධිපති ෂී ජින් පිං මහතා 25 වන දින චීනය එක්සත් ජාතීන්ගේ නීතිමය ආසනය යළි හිමි කර ගැනීමේ 50 වැනි සංවත්සර සැමරුම් සමුළුව අමතමින් කියා සිටියේ, "අප එක්සත් ජාතීන්ගේ අධිකාරීත්වය සහ තත්ත්වය අධිෂ්ඨානශීලීව ආරක්ෂා කළ යුතු අතර සැබෑ බහුපාර්ශ්වවාදය ඒකාබද්ධව ක්රියාත්මක කළ යුතු" බවයි. "ලෝකයට අවශ්ය කවර ආකාරයේ ජාත්යන්තර පටිපාටියක්" යන ප්රධාන ප්රශ්නය සම්බන්ධයෙන් චීනයේ ප්රතිපත්තිමය ස්ථාවරය ෂී ජින්පිං මහතා නැවත වරක් පැහැදිලි කළ අතර, චීනය බහුපාර්ශ්විකත්වයේ මාවතට අනුගත වන අතර සෑම විටම ජාත්යන්තර පටිපාටියේ ආරක්ෂකයෙකු ලෙස ක්රියා කරන බව අවධාරණය කළේය.
එක්සත් ජාතීන්ගේ ආරම්භක සාමාජිකයෙකු ලෙස, එක්සත් ජාතීන්ගේ සංවිධානය සමඟ චීනයේ වසර 50 ක සහයෝගීතාවයේ වැදගත් අත්දැකීමක් වන්නේ සැමවිටම එක්සත් ජාතීන්ගේ පරමාදර්ශවලට අනුගත වීම සහ බහුපාර්ශ්විකත්වයේ මාවත නොසැලී අනුගමනය කිරීමයි. ලෝකයේ ඇත්තේ එකම ක්රමයක්, එක නියෝගයක් සහ එකම නීති මාලාවක් බව ජනාධිපති ෂී ජින්පිං මහතා බොහෝවර පෙන්වා දුන්නේය. බහුපාර්ශ්විකත්වයේ සාරය නම් ජාත්යන්තර කරුණු උපදේශනය හරහා හැසිරවීම වන අතර ලෝකයේ අනාගතය සහ ඉරණම සියලු රටවල් අත පැවතීම යැයි ද හෙතෙම අවධාරණය කරයි.
චීනයේ පරමාර්ථය වෙනම පටිපාටියක් ස්ථාපිත කිරීම නොව පවතින බහුපාර්ශ්වික යාන්ත්රණය තවදුරටත් වැඩිදියුණු කිරීමයි. වසංගතයට එරෙහිව සටන් කිරීම, දේශගුණික විපර්යාසවලට ප්රතිචාර දැක්වීම හෝ ලෝක ආර්ථිකය නංවාලීම සහ ගෝලීය සංවර්ධන අසමතුලිතතාවයන් නිරාකරණය ඇතුළු කරුණු වෙනුවෙන්, චීනය සැම විටම එක්සත් ජාතීන්ගේ නායකත්වයෙන් යුත් බහුපාර්ශ්වික රාමුව හරහා සිය කාර්යභාරය ඉටු කිරීමට කැපවී සිටී.
ජාත්යන්තර පටිපාටියේ දැඩි ආරක්ෂකයෙකු ලෙස, මානව වර්ගයාගේ සාමය සහ සංවර්ධනය ප්රවර්ධනය කිරීම වෙනුවෙන් වඩාත් ක්රියාකාරී කොටසක් ඉටු කිරීමට චීනය එක්සත් ජාතීන්ගේ සංවිධානයේ කාර්යභාරයන් අඛණ්ඩව ප්රවර්ධනය කරනු ඇත.