පසුගිය 20 වනදා චීන ජනාධිපති ෂී ජින්පිං මහතා 2021 වසරේ 11 වන දේශීය නිරීක්ෂණ චාරිකාව සිදු කළේය. Shandong පළාතේ Dongying නගරයට පැමිණි ඔහු කහ ගංගා මෝය කලාපය නිරීක්ෂණය කර ඇත.
නව චීනය පිහිටුවීමට පෙර වසර 2500ක කාලයක් තුළ කහ ගංගාවේ ගංවතුර ගැලීම 1500කට වැඩි වතාවක් සිදු විය. කහ ගංගාශ්‍රිත ප්‍රදේශයේ ජනතාවගේ සාමකාමී ජීවිතය සඳහා එහි ජල-වැලි සම්බන්ධීකරණය මනා ලෙස පාලනය කළ යුතුය. මෑත වසර වල Dongying නගරය ගංගා මාර්ග හා ඉවුරු සංයෝගාත්මක පාලන ව්‍යාපෘතියක් මෙහෙයවමින් ක්‍රමයෙන් ස්ථාවර ගං වතුර වැළැක්වීමේ තීරයක් ගොඩනගමින් පවතී.
අනතුරුව ෂී ජින්පිං මහතා කහ ගංගා ඩෙල්ටා ජෛව අධීක්ෂණ මධ්‍යස්ථානය හා එම ප්‍රදේශයේ ඇති ජාතික සොබාදම් සුරැකුම් කලාපයේ නිරීක්ෂණය කළේය.
කහ ගංගා ඩෙල්ටා කලාපය පක්ෂීන්ගේ සංක්‍රමණයට ඉතා වැදගත් නැවතුම් පොලකි. වාර්ෂිකව කුරුල්ලෝ මිලියන හයක් පමණ එම කලාපයට පැමිණෙති. පක්ෂීන් පිළිබඳ දෙස් විදෙස් විශේෂඥයින් විසින් එම කලාපය කුරුල්ලන්ගේ ජාත්‍යන්තර ගුවන් තොටුපල ලෙස හඳුන්වනු ලබයි.
වසර 1992 ඔක්තෝබර් මාසයේ ආරම්භ කෙරුණු කහ ගංගා කලාපීය ජාතික සොබාදම් සුරැකුම් කලාපයේ බිම් ප්‍රමාණය වර්ග කිලෝමීටර් 1530කි.
මේ වන විට කහ ගංගා ඩෙල්ටා කලාපයේ තෙත්බිම් වර්ග කීලෝමීටර් 188ක් අලුතෙන් පුනරුත්ථාපනය කරනු ලැබ ඇත. වසර 2017 සිට එම ප්‍රදේශයේ ජල ගුණාංගය, ස්ථිර ලෙස Ⅱ වන මට්ටමේ පවතී.
