උතුරු චීනයේ Shan Dong පළාතේ Wei Shan කෝරළයේ පිහිටි Nan Yang උප නගරය ජල මාර්ග වලින් වටවී තිබෙන ප්‍රදේශයක්. සියලු දෛනික අවශ්‍යතාවන් හා තැපැල් පාර්සල නැව් වලින් ප්‍රවාහනය කළ යුතුයි.

36හැවිරිදි Wang Shaopeng ,චීන කොමියුනිස්ට් පක්ෂයේ සාමාජිකයෙක්.  2007 වසරේ රාජකාරි ආරම්භ කළ දා සිට, Wang Shaopeng ,Nan Yang උප නගරයේ එකම ජල තැපැල් සේවකයා ලෙසට කටයුතු කරමින් සිටිනවා.

Wang වග කියන තැපැල් සේවා කලාපය, එහි ආශ්‍රිත ව පිහිටි ගම්මාන 7ක් ආවරණය කරනවා. මේ සේවා කලාපය තුළ තැපැල් භාරදීම සඳහා එක් වරකට කිලෝමීටර් 60කට වැඩි දුර  ප්‍රමාණයක් Wang ට ගමන් කරන්න සිදු වෙනවා. ඒ අතරින්, ජල මාර්ග වල දුර ප්‍රමාණය කිලෝමීටර් 45ක් පමණ වෙනවා. Wang හුදෙකලාව මේ ජල මාර්ගය දිගේ වසර 14ක් පුරා ගමන් කර තිබෙනවා.

ගම්මාන වලට ගොස්, පවුල් වලට පුවත්පත්, සඟරා, ලියවිලි, පාර්සල ඔහු යොමු කරනවා. ඔහුගේ රාජකාරි ගැන ගම්වැසියන් හැඟුම් බර වුණා, ලෙන්ගතුකම් ඇති වුණා.

Nan Yang උප නගරයේ මහලු පුද්ගලයින් වැඩි පිරිසක් වෙසෙනවා. පිටතට ගොස් රාජකාරි කරන ඔවුන්ගේ දරුවන් නිරන්තරයෙන් ම අන්තර්ජාලයෙන් මිළදී ගත් විවිධ භාණ්ඩ දෙමාපියන්ට යොමු කරනවා. Nan Yang උප නගරයේ ම උපත ලැබූ Wang Shaopeng අවබෝධ කර ගත්තා, තමන්ගේ තැපැල් බෝට්ටුව කුඩා වුණාත්, එය ඈත් ව සිටින දරුවන් දෙමාපියන්ට දක්වන යුතුකම් සැලකීම්, ඔවුන් අතර පවතින ලෙන්ගතුකම්, ආදරය හා බලාපොරොත්තු පිළිබිඹු කරන බව.