ගගනගාමීන් තිදෙනෙකු රැගත් ෂෙන්චෞ -12 අභ්‍යවකාශ යානය අද(17)  උදේ 9.00 ට පමණ අභ්‍යවකාශයට සාර්ථකව දියත් කරන ලදී. පළමු කණ්ඩායම චීනයේ අභ්‍යවකාශ මධ්‍යස්ථානයේ ටියැන්හේ ප්‍රධාන මොඩියුලයට ඇතුළු වනු ඇත. කක්ෂගත කිරීමේ අදියරේදී චීනයේ අභ්‍යවකාශ මධ්‍යස්ථානයේ පළමු මිනිසුන් සහිත මෙහෙයුම මෙයයි. ගගනගාමීන් තිදෙනෙකු මාස තුනක් පමණ අභ්‍යවකාශයේ සිටීමට සැලසුම් කර ඇත.

චීනයේ මෙම සිදුවීම ගෝලීය අවධානයකි. ෂෙන්චෞ 12 මිනිසුන් සහිත අභ්‍යවකාශ යානය සාර්ථකව දියත් කිරීමෙන් පසු බොහෝ මාධ්‍ය ඒ පිළිබඳව වාර්තා කර තිබේ. එය “ඓතිහාසික මෙහෙවරක්” ලෙස සලකනු ලබන අතර චීනයේ අභ්‍යවකාශ ක්ෂේත්‍රය තුළ වර්ධනය වන විශ්වාසය හා හැකියාව නැවත වරක් ඔප්පු කර ඇතැයි පැවසේ. බොහෝ විදේශීය අන්තර් ජාල පරිශීලකයෝ  ද සුබ පැතුම් එවමින්, “එය පුදුම සහගත” යැයි පැවසූහ.

ඇත්ත වශයෙන්ම, චීනයේ මෙම මෙහෙවර ඉතා වැදගත් ය. එය චීන අභ්‍යවකාශ මධ්‍යස්ථානයේ සමස්ත ඉදිකිරීමේ ප්‍රධාන අංගයකි. තාරකා භෞතික විද්‍යාව පිළිබඳ හාවඩ් ස්මිත්සෝනියන් මධ්‍යස්ථානයේ තාරකා විද්‍යාඥයෙකු වන ජොනතන් මැක්ඩොවෙල් මහතා පෙන්වා දෙන්නේ චීන ගගනගාමීන්ගේ ඉලක්කය “අභ්‍යවකාශයේ ඔවුන්ගේ නව නිවස ගොඩනැගීම” බවයි.

අභ්‍යවකාශය යනු මානව වර්ගයාගේ පොදු ධනය වන අතර ජාත්‍යන්තර සහයෝගිතාව අභ්‍යවකාශ ගවේෂණයේ ප්‍රධාන ධාරාවයි. අභ්‍යවකාශ මධ්‍යස්ථානයට පිවිසීමෙන් පසු, අභ්‍යවකාශ මධ්‍යස්ථානවල ක්‍රියාකාරිත්වය පුළුල් කිරීම, අභ්‍යවකාශ විද්‍යාව සහ යෙදුම, චීන හා විදේශීය ගගනගාමීන්ගේ ඒකාබද්ධ ගුවන් ගමන් සහ තාක්‍ෂණික ජයග්‍රහණ පරිවර්තනය කිරීම යන ක්ෂේත්‍රවල වඩාත් පුළුල් හා ගැඹුරු ජාත්‍යන්තර සහයෝගීතාවයක් ඇති කිරීමට චීනය සැලසුම් කරයි.

චීනය මානව වර්ගයාගේ යහපත සඳහා චීන අභ්‍යවකාශ මධ්‍යස්ථානය අභ්‍යවකාශ විද්‍යාගාරයක් බවට පත් කරනු ඇත. අභ්‍යවකාශ විද්‍යාව, ජීව විද්‍යාව සහ වෙනත් ආශ්‍රිත ක්ෂේත්‍රවල තාක්‍ෂණික නවෝත්පාදනයන් ප්‍රවර්ධනය කිරීම සහ විශ්වයේ අබිරහස් ගවේෂණය කිරීමට සහ සාමකාමීව භාවිතා කිරීමට චීන දායකත්වය ලබා දීම එහි අරමුණ වෙයි.