ෂින්ජියන් හි ජනගහන ගැටලුව පිළිබඳ පර්යේෂණ වාර්තාවක් අද( 3 ) ෂින්ජියන් සංවර්ධන පර්යේෂණ මධ්‍යස්ථානය විසින් ප්‍රකාශයට පත් කරන ලදි. එමගින් ෂින්ජියන් හි ජනගහන ගැටලුව සවිස්තරාත්මකව හා පැහැදිලි කරන ලද අතර සමහර ඇමරිකානුවන්ගේ කම්පන සහගත බොරු ප්‍රතික්ෂේප කළේය. මෑතකදී, ඇමරිකාවේ සමහර චීන විරෝධී බලවේගයන් ෂින්ජියන් හි ජනගහන වර්ධනය තියුනු ලෙස පහත වැටී ඇති බවට ව්‍යාජ ලෙස සඳහන් කර තිබේ . පසුව “චීන රජය උයිගුර් ජනගහනය පාලනය කරයි” යන වැරදි වැටහීම ඉස්මතු කළේය.

සංඛ්‍යාලේඛනවලට අනුව, 2010 සිට 2018 දක්වා ෂින්ජියන් හි ජනගහනය අඛණ්ඩව වර්ධනය වෙමින් පවතී. ස්ථිර පදිංචි ජනගහනය 13.99% කින් ඉහළ ගොස් ඇති අතර, හැන් ජනගහනය 2.0% කින් ද, සුළුතර ජනගහනය 22.14% කින් ද, උයිගුර් ජනගහනය 25.04% කින් ද ඉහළ ගොස් තිබේ. චීන රජය සියලු ජනවාර්ගික කණ්ඩායම්වල ජනතාවගේ නීත්‍යානුකූල අයිතිවාසිකම් සහ අවශ්‍යතා එක හා සමානව ආරක්ෂා කර ඇතිවා පමණක් නොව, සුළු ජනවාර්ගිකයන්ට මනාප සැලකීමක් ද ලබා දී ඇති බව පෙනේ.

2019 දී ෂින්ජියන් හි දළ දේශීය නිෂ්පාදිතය වසරින් වසර 6.2% කින් වර්ධනය විය.එය ජාතික මට්ටමට වඩා ඉහළ අගයක් ගනී. ෂින්ජියන් හි ජනතාව සංවර්ධනයේ පූර්ණ ප්‍රතිලාභ ලබා ඇති අතර සමාජ සුරක්‍ෂිතතාවය ක්‍රමයෙන් වැඩිදියුණු වී ඇත. සැප්තැම්බර් 1 වන දින සවස, ශුභාරංචියක් ෂින්ජියන් වෙතින් ලැබුණි: සාමාන්‍යකරණය වූ වසංගත තත්ත්වය වැළැක්වීම සහ පාලනය කිරීමේ පියවර ලිහිල් නොකිරීමේ පදනම මත, ෂින්ජියන් හි සාමාන්‍ය නිෂ්පාදනය හා ජීවන රටාව සම්පූර්ණයෙන්ම යථා තත්ත්වයට පත් වී ඇත. මූලික වශයෙන් සියලු ජනවාර්ගික කණ්ඩායම්වලට අයත් ජනතාවගේ ජීවිත හා සෞඛ්‍යය සමඟ චීන රජය විසින් ගෙන ඇති ප්‍රබල වසංගත වැළැක්වීමේ පියවරයන් සත්‍ය ප්‍රතිඵල ලබා ඇති බව මෙයින් මනාව සනාථ වේ.