චීන මාධ්‍ය සමූහය පේරු ලාර්කෝ කෞතුකාගාරයට පරිත්‍යාග කරන ලද චීන භාෂා මාර්ගෝපදේශ පද්ධතිය නිල වශයෙන් භාවිතයට ගැනීම පේරු වේලාවෙන් 15 වැනිදා සිදු කෙරිණ. චීන කොමියුනිස්ට් පක්ෂයේ මධ්‍යම කාරක සභාවේ ප්‍රචාරක දෙපාර්තමේන්තු උප ප්‍රධානී, චීන මාධ්‍ය සමූහයේ අධ්‍යක්ෂ ජනරාල් Shen Haixiong මහතා සහ පේරු ලාර්කෝ කෞතුකාගාරයේ අධ්‍යක්ෂ සහ විධායක අධ්‍යක්ෂ එක්ව එම පද්ධතිය දියත් කර තිබේ.

චීන මාධ්‍ය සමූහය සහ පේරු ලාර්කෝ කෞතුකාගාරය අතර චීන භාෂා මාර්ගෝපදේශ පද්ධතිය ඒකාබද්ධව දියත් කිරීම චීන සහ පේරු ශිෂ්ටාචාර අතර හුවමාරු සහ අන්‍යෝන්‍ය ඉගෙනීම තවදුරටත් ගැඹුරු කරන අතර චීන සංචාරකයින්ට පේරු හි ඉතිහාසය සහ සංස්කෘතිය වඩා හොඳින් අවබෝධ කර ගැනීමට සහ එරට ශිෂ්ටාචාරයේ විශේෂත්වය අවබෝධ කර ගැනීමට ඉඩ සලසන බව Shen Haixiong මහතා සිය කතාවේදී පැවසීය.