චීන ජනාධිපති ෂී ජින් පිං මහතා අද(1) බෙයිජිං මහජන මහ ශාලාවේ දී, චීනයේ මැකෞ විශේෂ පරිපාලන කලාපයේ 6වන ප්‍රධාන විධායක නිලධාරි Sam Hou Fai මහතා හමු විය.

ෂී ජින් පිං මහතා ඉදිරියේ, චීන අග්‍රාමාත්‍ය Li Qiang මහතා රාජ්‍ය මණ්ඩලයේ අංක 794 නියෝගය නිකුත් කරමින්, චීන මහජන සමූහණ්ඩුවේ මැකෞ විශේෂ පරිපාලන කලාපයේ 6වන ප්‍රධාන විධායක නිලධාරියා ලෙස Sam Hou Fai මහතා පත් කළේ ය.

ෂී ජින් පිං මහතා Sam Hou Fai මහතාට සුබ පැතුම් පළ කළේ ය. "එක් රටක්, ක්‍රම දෙකක්" යනු රටේ සහ ජාතියේ මූලික අවශ්‍යතාවන්ට අනුකූල සහ මැකෞ හි මූලික අවශ්‍යතාවන්ට අනුකූල යහපත් පද්ධතියක් බව ෂී ජින් පිං මහතා පැවසීය. චීන කොමියුනිස්ට් පක්ෂයේ 20වන මධ්‍යම කාරක සභාවේ 3වන පූර්ණ සැසිවාරය මගින්, තවදුරටත් පුළුල් හා ගැඹුරු ලෙස ප්‍රතිසංස්කරණ සිදු කිරීම මෙන්ම, චීන ලක්ෂණ සහිත නවීකරණය ප්‍රවර්ධනය කිරීම සඳහා ද, ක්‍රමානුකූල යෙදවීම් සිදු කර තිබේ. "එක් රටක්, ක්‍රම දෙකක්" යන පද්ධතියේ ප්‍රතිලාභයන් පූර්ණ ලෙස භාවිත කළ යුතු බවත්, විවෘතභාවය තවදුරටත් පුළුල් කිරීමේදී හොංකොං සහ මැකෞ වඩා යහපත් භූමිකාවක් ඉටු කිරීම පිළිබඳ යාන්ත්‍රණ වැඩි දියුණු කළ යුතු බවත්, එම සැසිවාරයේ දී අවධාරණය කර ඇතැයි, ෂී ජින් පිං මහතා සඳහන් කළේ ය.

මධ්‍යම රජයේ පත් කිරීමෙන් Sam Hou Fai මහතා දැඩි ලෙස ගෞරවයට පාත්‍ර වේ. ෂී ජින් පිං මහතාගේ සහ මධ්‍යම රජයේ නායකත්වය යටතේ, පුළුල්, නිවැරදි හා නොසැලෙන ලෙස "එක් රටක්, ක්‍රම දෙකක්" ප්‍රතිපත්තිය ක්‍රියාත්මක කිරීමට, Sam Hou Fai මහතා අධිෂ්ඨාන කරගෙන සිටී. ජාතික ස්වෛරීභාවය, ආරක්ෂාව සහ සංවර්ධන අවශ්‍යතා ආරක්ෂා කරනු ඇති බවත්, මැකෞ හි විවිධ ව්‍යාපාරවල සම්පූර්ණ සංවර්ධනය ප්‍රවර්ධනය කිරීමටත් හෙතෙම ක්‍රියා කරනු ඇත.