රාජ්ය සේවය විධිමත් කිරීමට සහ විනිවිදභාවය ඇති කිරීමට රාජ්ය සේවාව ඩිජිටල්කරණය කළ යුතු බව අග්රාමාත්ය ආචාර්ය හරිනි අමරසූරිය මෙනවිය පවසයි.
ශ්රී ලංකාවේ තොරතුරු තාක්ෂණ වරලත් ආයතනයේ 26 වන සංවත්සරය වෙනුවෙන් පැවති තොරතුරු තාක්ෂණ ජාතික සම්මාන උළෙල අමතමින් අග්රාමාත්යවරිය මේ බව සඳහන් කළාය.
වර්තමාන රජයට මෙරට ඩිජිටල්කරණය කිරීම සඳහා පැහැදිලි දැක්මක් තිබේ.
තොරතුරු හා සන්නිවේදන තාක්ෂණ කර්මාන්තය සංවර්ධනය කිරීම, ඩිජිටල් ආර්ථිකයක් නිර්මාණය කිරීම මූලික කරගත් ප්රතිපත්තියක් රටට අවශ්යය.
ඒ අනුව යාපනය, මාතර සහ නැගෙනහිර පාළාත කේන්ද්ර කරගත් ඩිජිටල් කලාප ඇතිකිරීමට රජයේ අවධානය යොමු ව තිබේ.
ජාත්යන්තර ඩිජිටල් සමාගම් සහ දේශීය තොරතුරු හා සන්නිවේදන තාක්ෂණ නවෝත්පාදකයින් අතර සබඳතාවයක් ඇති කිරීමට අවශ්ය බවත්, තොරතුරු හා සන්නිවේදන තාක්ෂණ අධ්යාපනය නංවාලීම, ඒ සඳහා පහසුකම් සැපයීම, වෘත්තීයවේදීන් සඳහා අවශ්ය දීමනා ලබාදීම වැදගත් බවත් මෙහිදී ඇය පෙන්වා දී ඇත.
එමෙන්ම ඩිජිටල් අංශය සඳහා කාන්තාවන්ගේ දායකත්වය වැඩිකිරීමේ අවශ්යතාවය සහ ඒ සඳහා සියලුදෙනාගේ සහයෝගය අවශ්ය බවද අග්රාමාත්යවරිය මෙහිදී වැඩිදුරටත් පැවසුවාය.
