චීන කොමියුනිස්ට් පක්ෂයේ මධ්‍යම කාරක සභාවේ දේශපාලන කාර්යාංශ සාමාජික, විදේශ අමාත්‍ය වං යී මහතාගේ ආරාධනාවට අනුව, බ්‍රිතාන්‍යයේ විදේශ සහ සංවර්ධන කටයුතු පිළිබඳ රාජ්‍ය ලේකම් David Lammy මහතා හෙට(18) සිට 19 වනදා දක්වා චීනයේ නිල සංචාරයක නිරත වෙයි.
චීන විදේශ අමාත්‍යංශයේ ප්‍රකාශිකා Mao Ning මහත්මිය අද (17) පැවති මාධ්‍ය හමුවේදී ඔහුගේ මෙවර චීනයේ සංචාරය පිළිබඳ තොරතුරු හෙළි කළාය.
බ්‍රිතාන්‍ය නව රජයේ පළමු රාජ්‍ය ලේකම්වරයෙකුගේ චීන සංචාරය මෙයයි. දෙරට නායකයන් පසුගිය අගෝස්තු මස සිදු කළ දුරකථන සංවාදයේ ඇති කර ගත් වැදගත් එකඟතාවන් ක්‍රියාත්මක කිරීම, උපායමාර්ගික අන්‍යෝන්‍ය විශ්වාසය තහවුරු කිරීම මෙන්ම ඒ ඒ ක්ෂේත්‍රවල සංවාද හා සහයෝගීතා ශක්තිමත් කිරීම පිළිබඳව දෙපාර්ශ්වය මෙම සංචාරය තුළදී අදහස් හුවමාරු කර ගැනීමට නියමිත ය. දෙරටේ හවුල්කාරි සම්බන්ධතාවය මත, විවෘතභාවය හා සහයෝගීතා පිළිබඳ සංකල්පයෙහි එල්බ සිට, අන්‍යෝන්‍ය වාසි සහගත පොදු ජයග්‍රහණ ප්‍රවර්ධනය කරමින් දෙරට සබඳතාව තිරසර ලෙස ඉදිරියට ගෙන යාම චීනයේ අපේක්ෂාව බවද Mao Ning මහත්මිය එහිදී වැඩිදුරටත් සඳහන් කර ඇත.
