එළඹෙන සෙනසුරාදා දිනයේ දී ඇණවුම් කරන ලද නව විදෙස් ගමන් බලපත්ර තොගය මෙරටට ලැබෙන බවත්, සඳුදා සිට බෙදාහැරීම සිදුකරන බවත් කැබිනට් මාධ්ය ප්රකාශක, අමාත්ය විජිත හේරත් මහතා පැවසීය.
අද (15) උදෑසන පැවති අමාත්ය මණ්ඩල තීරණ දැනුම්දීමේ මාධ්ය හමුවට එක්වෙමින් හෙතෙම මේ බව සඳහන් කර තිබේ.
එමෙන්ම ඊ-පාස්පෝට් සම්බන්ධයෙන් මේ වනවිට අධිකරණයේ වාරණ නියෝගයක් පවතින බවත්, ඉන් අනතුරුව ඒ පිළිබඳ අවධානය යොමු කරන අතර එයට අදාළව ටෙන්ඩර් කැඳවීමක් සිදුනොකරන බවත් අමාත්යවරයා සඳහන් කළේය.
කෙසේ වෙතත් මේ වනවිට ඇණවුම් කර ඇති විදෙස් ගමන් බලපත්ර 750,000 ඉදිරියේ දී අවසන් වීමත් සමග නැවතත් පාස්පෝට් අර්බුදයක් ඇති වීමට ඉඩ ඇති බැවින් සාමාන්ය පාස්පෝට් ලබාදීමට අවශ්ය ප්රසම්පාදන ක්රියාවලියකට ගොස් ටෙන්ඩර් පටිපාටියක් අනුව තවත් පාස්පෝට් ප්රමාණයක් ගෙන්වීමට පසුගිය 11 වනදා පැවති විශේෂ අමාත්ය මණ්ඩල රැස්වීමේ දී තීරණය කළ බව ද අමාත්ය විජිත හේරත් මහතා පැවසීය.
