ලාඕසයේ Vientiane අගනුවර පැවති ආසියාන් සංවිධානයේ නායක සමුළුව පසුගිය දා පැවැත්විණ. එම සමුළුවට සමගාමී ව පැවති 27වැනි චීනයේ හා ආසියාන් සංවිධානයේ නායක සමුළුවේදී දෙපාර්ශ්වය නිදහස් වෙළඳ කලාපයේ වඩාත් ඉහළ මට්ටමක සාකච්ඡා වටය ප්‍රතිඵල රැසකින් යුක්තව අවසන් ක‍ර ඇත.

 ජාත්‍යන්තර හා කලාපීය තත්ත්වයන් විටින් විට සංකීර්ණ වෙනස්කම්වලට භාජනය වන වර්තමානයේ ඇතැම් රටවල් අනුගමනය කරන බෙදී යාමේ ප්‍රතිපත්ති හේතුවෙන් ලොව පුරා ආරක්ෂණවාදය පැතිර ගොස් තිබේ. එහෙත් චීනය හා ආසියාන් සංවිධාන රටවල් අතර පෙරට වඩා සමීප සහයෝගිතාවක් පවතී. ආර්ථිකය තව තවත් වර්ධනය කරමින් ජනතාවට වඩාත් යහපත් ජීවිතයක් ලබාදීමේ අපේක්ෂාව චීනයට මෙන් ම ආසියාන් සංවිධාන රටවලටත් ඇත. එම රටවල් චීනයට ‍භූගෝලීය වශයෙන් සමීප වන හෙයින් දෙපාර්ශ්වය ‍අන්‍යෝන්‍ය වශයෙන් සහාය වෙමින් කාර්මික ජාල ගොඩ නැගීමට මනා අඩිතාලමකි. මේ හේතුවෙන් ආසියාන් සංවිධාන රටවල් චීනය සමග වඩාත් සහයෝගිතා‍ පැවැත්වීමට කැමැත්තෙන් සිටී.

ගෙවුණු වසර කිහිපයේ ‍චීනය හා ආසියාන් සංවිධානය අතර පවතින සහයෝගිතාව ආසියා-පැසිෆික් කලාපයේ ආර්ථික වර්ධනයට වැදගත් ගාමක ශක්තියක් වී ඇත. චීනය වසර 15ක් පුරා ආසියාන් සංවිධානයේ පළමු වෙළඳ හවුල්කරුවා බවට පත්ව සිටී. එමෙන් ම ආසියාන් සංවිධානය වසර 4ක් පුරා චීනයේ පළමු වෙළඳ හවුල්කරුවා බවට පත්ව සිටී. මෙවර චීනයේ හා ආසියාන් සංවිධානයේ නායකයන්ගේ සමුළුවෙන් ලද ප්‍රතිඵලයට අනුව 2025 වසරේ දෙපාර්ශ්වය නිදහස් වෙළඳ කලාපය පිළිබඳ නව ගිවිසුම් අත්සන් කරනු ඇතැයි විශ්වාස කෙරේ.

 චීනයේ හා ආසියාන් සංවිධාන රටවල ජනගහණය ලෝක ජනගහණයෙන් 25%කි. එබැවින් මෙම දැවැන්ත වෙළඳ පොළ දෙක සම්බන්ධ වුවහොත් කලාපීය ආර්ථික ඒකීයකරණය වඩාත් ඉහළ මට්ටමකට යනු ඇත. එමගින ලෝක ආර්ථිකයට වඩාත් ස්ථාවර ජවයක් එක් කෙරේ.