ආසියාන් සංගමයේ 44වැනි හා 45වැනි නායක සමුළුව, එහි වාරික සභාපති රට වන ලාඕසයේ Vientiane අගනගරයේ දී ආරම්භ වේ. අද(9) සිට 11වනදා දක්වා පැවැත්වෙන සමුළුවට, ආසියාන් රටවල, ආසියාන් සංගමයේ සංවාද හවුල්කාර රටවල හා නිරීක්ෂක රටවල 20කට වැඩි නායකයෝ මෙන්ම එක්සත් ජාතීන්ගේ සංවිධානය ඇතුළු ජගත් සංවිධාන රැසක නියෝජිතවරු සහභාගි වී සිටිති.

‘සන්නිවේදනය, සම්බන්ධකම් හා නම්‍යශීලිත්වය ශක්තිමත් කිරීම’ යන මැයෙන් පැවැත්වෙන එම සමුළුව, වත්මන් ‍ගෝලීය ආර්ථික හා දේශපාලන අභියෝග හමුවේ ආසියාන් රටවල් අතර සන්නිවේදනය පුළුල් කරමින් ආර්ථික ශක්‍යතාව හා සහයෝගතාව වැඩිදියුණු කිරීමේ අවශ්‍යතාව කෙරේ අවධානය යොමු කරයි.