මහ මැතිවරණයට අදාළ නාමයෝජනා භාර ගැනීම අද(04) ආරම්භ වූ බව මැතිවරණ කොමිසමේ සභාපති ආර්.එම්.ඒ.එල්. රත්නායක මහතා පවසයි. නාමයෝජනා භාර ගැනීමේ කටයුතු ලබන 11 වැනිදා දහවල් 12ට අවසන් කෙරේ.

මහ මැතිවරණයට ඉදිරිපත් වීම සඳහා මේ වනවිට ඇප මුදල තැන්පත් කිරීමේ කටයුතු ආරම්භ වී ඇති අතර පාර්ශ්ව 37ක් මේ වන විට ඇප තැන්පත් කර ඇතැයි ද හෙතෙම සඳහන් කළේ ය.

මැතිවරණ කොට්ඨාස 22ට අදාළව දිස්ත්‍රික් ලේකම් කාර්යාලවලදී  නාමයෝජනා භාර ගැනීම සිදු කිරීමට නියමිත ය. තැපැල් ඡන්ද අයදුම්පත් භාර ගැනීම ද මේ දිනවල සිදු කෙරෙන අතර 8 වැනිදා මධ්‍යම රාත්‍රියෙන් පසු එම කටයුතු අවසන් කෙරේ.