79 වැනි එක්සත් ජාතීන්ගේ මහ සම්මේලනයේ සාමාන්‍ය විවාදය ඊයේ(30) නිව්යෝක් නගරයේ එක්සත් ජාතීන්ගේ මූලස්ථානයේදී අවසන් විය.

79 වැනි එක්සත් ජාතීන්ගේ මහ සම්මේලනයේ සභාපති Philémon Yang මහතා එහිදී ප්‍රකාශ කළේ මෑතකදී ඊශ්‍රායලය හා ලෙබනනයේ හිස්බුල්ලා සංවිධානය අතර ගැටුම් දැඩි ලෙස උග්‍ර වී ඇති බවයි. ඉන් සමස්ත මැද පෙරදිග කලාපයේ සටන් හට ගැනීමේ අවදානමක් පවතී. කඩිනමින් සටන් විරාම ගිවිසුමකට එළඹෙන ලෙස Philémon Yang මහතා විවිධ පාර්ශ්වවලින් ඉල්ලා සිටී. සාමය සාක්ෂාත් කර ගැනීම වෙනුවෙන් සටන් නතර කරන ලෙසත් සංවාද පවත්වන ලෙසත් ගැටුමට සම්බන්ධ පාර්ශ්ව පෙළඹවීමට ක්‍රියා කර‍න‍ මෙන් බලපෑම් සහගත රටවලින් ඉල්ලා සිටින බවත් හෙතෙම කීය. එම කලාපයට අවි සැපයීමෙන් වළකින ලෙසට හෙතෙම අදාළ රටවලින් ඉල්ලීමක් ද කළේය.

“කිසිවෙකු අත් නොහැරීම: වර්තමාන හා අනාගත පරම්පරාවේ සුභසෙත වෙනුවෙන් සාමය, තිරසර සංවර්ධනය හා මානවයන්ගේ ගෞරවය ඒකාබද්ධව ප්‍රවර්ධනය කිරීම”පසුගිය 24 වනදා ආරම්භ වූ 79 වැනි එක්සත් ජාතීන්ගේ මහ සම්මේලනයේ සාමාන්‍ය විවාදයේ තේමාව විය.