2023 අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල ඊයේ(28) මධ්‍යම රාත්‍රියේ නිකුත් කළ බව විභාග දෙපාර්තමේන්තුව සඳහන් කරයි.

ඒ අනුව එම දෙපාර්තමේන්තුවේ වෙබ් අඩවි ඔස්සේ ‍ප්‍රතිඵල ලබා ගත හැකිය.

ප්‍රතිඵල නැවත සමීක්ෂණය සඳහා අයදුම්පත් කැඳවීම ඔක්තෝබර් මස 01 දා සිට 14 වැනි දින දක්වා සිදු කෙරෙන බව විභාග දෙපාර්තමේන්තුව නිවේදනයක් නිකුත් කරමින් ප්‍රකාශ කර ඇත.

මෙවර සාමාන්‍ය පෙළ විභාගය සඳහා අයදුම්කරුවන් 452,979 දෙනෙක් පෙනී සිටි අතර ඉන් 387,648ක් පාසල් අයදුම්කරුවෝ වෙති.

65,331 දෙනෙකු පෞද්ගලික අයදුම්කරුවන් ලෙස විභාගයට පෙනී සිට ඇති බව විභාග දෙපාර්තමේන්තුව පැවසීය.