කොළඹ ජාත්‍යන්තර පොත් ප්‍රදර්ශනය බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේදී ඊයේ(27) ආරම්භ කෙරිණ. එය සැප්තැම්බර් 27 සිට ඔක්තෝබර් 06 දක්වා පැවැත්වීමට ශ්‍රී ලංකා පොත් ප්‍රකාශකයන්ගේ සංගමය කටයුතු සංවිධානය කර ඇත.

පෙ.ව. 9.00 සිට ප.ව. 9.00 දක්වා පොත් ප්‍රදර්ශනය ජනතාව සඳහා විවෘතව පවතී. මෙවර කොළඹ ජාත්‍යන්තර පොත් ප්‍රදර්ශනය සංවිධානය වූයේ 25 වන වරටයි. මෙම වසරේ ඇති අධික ඉල්ලුමත් සහ 25 වන සංවත්සරය යෙදීම හේතුවෙන් පෙර වසරවලට සාපේක්ෂව වඩාත් උත්කර්ෂවත් අයුරින් සංවිධානය කර ඇති බව ශ්‍රී ලංකා පොත් ප්‍රකාශකයන්ගේ සංගමය සඳහන් කළේය.