යුක්රේන අර්බුදය සම්බන්ධයෙන් "සාම මිතුරන්" කණ්ඩායමේ අමාත්‍ය සමුළුවක් පැවැත්වෙයි. එම සමුළුව ඊයේ (27) නිව් යෝර්ක් හි එක්සත් ජාතීන්ගේ මූලස්ථානයේදී පැවැත්විය.

චීන කොමියුනිස්ට් පක්ෂයේ මධ්‍යම කාරක සභාවේ දේශපාලන කාර්යාංශ සාමාජික, විදේශ ඇමති Wang Yi, බ්‍රසීල විදේශ අමාත්‍ය Mauro Vieira සහ බ්‍රසීල ජනාධිපතිවරයාගේ ප්‍රධාන විශේෂ උපදේශක Celso Amorim යන මහත්වරුන් විසින් මෙම සමුළුවේ මුලසුන දරනු ලැබිණ. "ගෝලීය දකුණු" රටවල් 17 ක නියෝජිතයෝ ඊට සහභාගී වූහ.

සාමය සහ යුද්ධය අතර සාමය ස්ථිරව තෝරා ගත යුතු බව Wang Yi මහතා අවධාරණය කළේය. සංහිඳියාව සහ වෛරය අතර සංහිඳියාව ස්ථිරව තෝරාගත යුතුය. සංවාදය සහ ගැටුම අතර, දැඩි ලෙස සංවාදය තෝරා ගත යුතු බව ද ඔහු පැවසීය.

"සාම මිතුරන්", කිසිඳු කණ්ඩායම් ගැටුමක නිරත නොවන බවත් පවතින වේදිකා ප්‍රතිස්ථාපනය කිරීමට අදහස් නොකරන බවත් Wang Yi මහතා පැවසීය. එක්සත් ජාතීන්ගේ සංවිධානය ඔස්සේ "ගෝලීය දකුණේ" තවත් රටවල් කැඳවා ගෙන සටන් විරාමය ක්‍රියාවට නංවමින් සාම සාකච්ඡා නැවත ආරම්භ කිරීම සඳහා වඩාත් සාධාරණ අදහස් ප්‍රකාශ කළ හැකි බවට අපේක්ෂා කරන බව ද චීන විදේශ ඇමතිවරයා එහිදී පැවසීය.