චීන මහජන සමූහාණ්ඩුවේ ජාතික පදක්කම් හා ජාතික ගෞරව නාම පදක්කම් ප්‍රදානය කිරීමට චීන ජනාධිපති ෂී ජින්පිං මහතා සූදානම් වෙයි.

ප්‍රදානෝත්සවය එළඹෙන 29 වැනි දා පෙරවරු 10.00ට බෙයිජිංහි මහජන මහා ශාලාවේදී පැවැත්වීමට නියමිත ය. චීන කොමියුනිස්ට් පක්ෂ මධ්‍යම කාරක සභාවේ අනුමැතියෙන් එය පැවැත්වෙනු ඇත. එහිදී චීන කොමියුනිස්ට් පක්ෂ මධ්‍යම කාරක සභාවේ මහලේකම්, ජනාධිපති, මධ්‍යම හමුදා කමිටු සභාපති ෂී ජින්පිං මහතා සමූහාණ්ඩු පදක්කම, මිත්‍රත්ව පදක්කම සහ ජාතික ගෞරව ‍නාම පදක්කම පිරිනමමින් දේශනයක් පැවැත්වීමට නියමිතය.

චීන මාධ්‍ය සමූහය, Xinhua ප්‍රවෘත්ති ඒජන්සියේ වෙබ් අඩවිය ප්‍රදානෝත්සවය සජීව ලෙස විකාශනය ‍කරනු ඇති අතර, චීනයේ ප්‍රධාන මාධ්‍ය රැසක අන්තර්ජාල වේදිකා ඔස්සේ ද උත්සවය විසුරුවා හැරේ.