චීන ජනාධිපති ෂී ජින් පිං මහතා සහ මැලේසියාවේ උත්තරිතර නායක Sultan Ibrahim Sultan Iskandar මහතා අතර සාකච්ඡාවක් පැවැත්වේ. එම සාකච්ඡාව අද (20) සවස බෙයිජිං හි  මහජන මහා ශාලාවේදී පැවැත්විණ.

ලෝක ආර්ථික ප්‍රකෘතිය, කලාපීය සංවර්ධනය සහ චීන-මැලේසියා සහයෝගීතාවට නව ජවයක් සහ අවස්ථා ගෙන දීම සඳහා, රටේ ප්‍රතිසංස්කරණය අංගසම්පූර්ණ ලෙස තහවුරු කරමින් ඉහළ මට්ටමේ විවෘතභවය ප්‍රවර්ධනය කිරීමට චීනය කටයුතු කරනු ඇතැයි ෂී ජින් පිං මහතා එම අවස්ථාවේදී පැවසීය. Ibrahim මහතා සමග එක්ව  දෙරටේ උපායමාර්ගික සහයෝගීතාව ගැඹුරු කිරීමටත්, පොදු ඉරණමක් සහිත ද්විපාර්ශ්වික ප්‍රජාවක් ගොඩනැගීම ප්‍රවර්ධනය කිරීමටත්,  දෙරටේ ජනතාවට වඩා වැඩි ප්‍රතිලාභ ගෙන දීමටත් උත්සාහ කිරීමට අපේක්ෂා කරන බව ෂී ජින් පිං මහතා  ප්‍රකාශ කළේය.

චීනය සමඟ ශක්තිමත් හවුල්කාරීත්වයක් සංවර්ධනය කිරීම මුල සිටම මැලේසියාවේ රාජ්‍ය තාන්ත්‍රික ප්‍රතිපත්තියක් බව Sultan Ibrahim Sultan Iskandar මහතා එහිදී පැවසීය. ‍පොදු සංවර්ධනය දෙරටේ ම පොදු අරමුණ බව ද ඔහු කීය. චීනයේ සංවර්ධනය චමත්කාරජනක බවත් එම සංවර්ධනය අත්කර ගැනීමට හැකිව ඇත්තේ ෂී ජින් පිං මහතාගේ නායකත්වයෙන් හා චීන ජනතාවගේ කැප වීමෙන් බවත් ඔහු පෙන්වා දුන්නේය.