පලස්තීන-ඊශ්‍රායල් ගැටුමේදී ඊශ්‍රායලයට පක්ෂපාතී බ්‍රිතාන්‍ය රජයේ ස්ථාවරයට එරෙහිව දස දහසක පිරිසක් ඊයේ(07) නැවතත් බ්‍රිතාන්‍යයේ ලන්ඩන් නුවර විරෝධතා පැවැත්වූහ. බ්‍රිතාන්‍ය ආණ්ඩුව ඊශ්‍රායලයට ආයුධ යැවීම නතර කරන ලෙස ඔවුන් ඉල්ලා සිටී.

7 වැනිදා පස්වරුවේ ආරම්භ වූ උද්ඝෝෂණ සඳහා  25,000ක පමණ පිරිසක් සහභාගි වී තිබේ.

ඇමරිකාව ඊශ්‍රායලයේ විශාලතම ආයුධ සැපයීමේ රට බව ස්ටොක්හෝම් ජාත්‍යන්තර සාම පර්යේෂණ ආයතනය ප්‍රකාශ කර ඇත. ඊට සාපේක්ෂව, ඊශ්‍රායලය වෙත සිදු කරන බ්‍රිතාන්‍යයේ ආයුධ අලෙවිය සුළු ප්‍රමාණයක් වන අතර එය ඊශ්‍රායලයේ ආරක්ෂක ආනයනයෙන් 1% ක් පමණ වන බව වාර්තා වේ.