එක්සත් ජාතීන්ගේ මහා මණ්ඩලය ඊයේ(06) නව යෝජනාවක් සම්මත කර ජූලි 6 වැනිදා "ලෝක ග්‍රාමීය සංවර්ධන දිනය" ලෙස ප්‍රකාශයට පත් කළේ ය. එමගින් එක්සත් ජාතීන්ගේ තිරසර සංවර්ධන ඉලක්ක සාක්ෂාත් කර ගැනීමට ග්‍රාමීය සංවර්ධනයේ සහ පරිවර්තනයේ වැදගත්කම ඉස්මතු කරයි.

ලෝක ග්‍රාමීය සංවර්ධන දිනය සැමරීම සහ ග්‍රාමීය ප්‍රදේශ හා ප්‍රජාවන් පිළිබඳ තිරසර සංවර්ධනය ක්‍රියාකාරකම් සංවිධානය කිරීමට සහ ප්‍රවර්ධනය කිරීමට එම යෝජනාව මගින් සියලුම එක්සත් ජාතීන්ගේ සාමාජික රටවල්, එක්සත් ජාතීන්ගේ විවිධ සංවිධාන, අනෙකුත් ජාත්‍යන්තර සහ කලාපීය සංවිධාන, මෙන්ම රාජ්‍ය නොවන සංවිධාන, පුද්ගලයන් සහ අදාළ පාර්ශ්වකරුවන්ට ආරාධනා කර ඇත.