නව ආරක්ෂක උපාංගයන්ගෙන් සමන්විත විදෙස් ගමන් බලපත්‍ර ලක්ෂ 50ක් ඇණවුම් කර ඇති බවත් එම විදෙස් ගමන් බලපත්‍ර කඩිනමින් මෙරටට ලැබෙනු ඇති බවත් ආගමන විගමන දෙපාර්තමේන්තුව පවසයි.

ඒ අතරින් ගමන් බලපත්‍ර 50,000ක් ලබන 15 වැනිදා වන විට මෙරටට ලැබෙනු ඇතැයි ද එම දෙපාර්තමේන්තුව සඳහන් කර සිටී. එම විදෙස් ගමන් බලපත්‍ර ලැබීමෙන් අනතුරුව දැනට පවතින තදබදය මඟහැරෙනු ඇති බවත් එතෙක් දෛනිකව විදෙස් ගමන් බලපත්‍ර නිකුත් කිරීම 1000කට සීමා කිරීමට සිදුව ඇති බවත් ආගමන විගමන දෙපාර්තමේන්තුව සඳහන් කරයි.