චීන ජනාධිපති ෂී ජින්පිං මහතා බොට්ස්වානා ජනාධිපති Mokgweetsi Masisi මහතා හමු වෙයි. හමුව අද(05) මධ්‍යහ්නයේ බෙයිජිං හි මහජන මහා ශාලාවේ දී පැවැත්විණ. Masisi මහතා 2024 චීන-අප්‍රිකානු සහයෝගිතා සංසදයේ නායක සමුළුවට එක්වීම සඳහා බෙයිජිං නුවරට පැමිණ සිටී.

චීන-බොට්ස්වානා විස්තීර්ණ උපායමාර්ගික හවුල්කාරීත්වය සංවර්ධනය කරන බව නායක දෙපළ එහි දී ප්‍රකාශ කළහ.

චීනය සහ බොට්ස්වානා අතර සාම්ප්‍රදායික මිත්‍රත්වයක් ඇති බවත් සෑම විටම එකිනෙකාට අවංක සහයෝගය ලබා දෙන බවත් ෂී ජින්පිං මහතා පෙන්වා දුන්නේ ය. දෙපාර්ශවය අන්‍යෝන්‍ය විශ්වාස කර පොදුවේ සංවර්ධනය කිරීමේ හවුල්කාරීත්වය දිගටම පවත්වා ගත යුතු බවත්, කර්මාන්ත, කෘෂිකර්මය, පතල් කැණීම, පිරිසිදු බලශක්තිය, අධ්‍යාපනය, වෛද්‍ය සේවා සහ සෞඛ්‍ය යන ක්ෂේත්‍රවල සහයෝගීතාව ශක්තිමත් කළ යුතු බවත් ඔහු සඳහන් කර ඇත.

චීන-අප්‍රිකානු සහයෝගිතා සංසදයේ බෙයිජිං සමුළුවේ සමාරම්භක උත්සවයේදී ජනාධිපති ෂී ජින්පිං මහතා පැවැත්වූ විශිෂ්ට දේශනයේ දී නවීකරණ හවුල්කාරිත්වය චීනය සහ අප්‍රිකාව එක්ව ප්‍රවර්ධනය කිරීම පිළිබඳ නව පියවර පෙන්නුම් කර ඇති බව Masisi මහතා පැවසීය. බොට්ස්වානා ඊට සම්පුර්ණයෙන්ම සහාය දෙන අතර මෙම සංසදය ඉදිරිපත් කළ දැක්ම සාක්ෂාත් වනු ඇතැයි බොට්ස්වානා විශ්වාස කරන බව හෙතෙම වැඩිදුරටත් සඳහන් කර ඇත.