චීන ජනාධිපති ෂී ජින් පිං මහතා චීන-අප්‍රිකානු සහයෝගිතා සංසදයේ නායක සමුළුවට සහභාගී වීමට සහ නිල සංචාරයක් සඳහා චීනයට පැමිණ සිටින සාඕ ටෝම් සහ ප්‍රින්සිප් ජනරජයේ අගමැති Patrice Trovoada මහතා හමු වේ. එම හමුව අද (5) පස්වරුවේ බෙයිජිං හි මහජන මහා ශාලාවේදී සිදු කෙරිණ.
දෙරටේ නායකයෝ තම ද්විපාර්ශ්වික සබඳතා උපායමාර්ගික හවුල්කාරී සම්බන්ධතාවය දක්වා සංවර්ධනය කරන බව නිවේදනය කළහ.
ජාතික ගොඩනැංවීම් සහ ආර්ථික සංවර්ධනය ප්‍රවර්ධනය කිරීම සඳහා චීනය සෑම විටම මෙන් සාඕ ටෝම් සහ ප්‍රින්සිප් වෙත සහාය දෙන බව ෂී ජින් පිං මහතා පෙන්වා දුන්නේය. චීන-අප්‍රිකානු සහයෝගිතා සංසදයේ බෙයිජිං සමුළුවේ ප්‍රතිඵල සක්‍රියව ක්‍රියාත්මක කිරීමට සහ ජනතාවට වඩා ප්‍රතිලාභ සැලසීම සඳහා දෙරට අතර උපායමාර්ගික හවුල්කාරී සම්බන්ධතාවය ප්‍රවර්ධනය කිරීමට සාඕ ටෝම් සහ ප්‍රින්සිප් සමඟ එක්ව කටයුතු කිරීමට චීනය කැමැත්තෙන් සිටින බව ඔහු පැවසීය.
තම රටේ දිගුකාලීන ආර්ථික සංවර්ධනය සඳහා ශක්තිමත් සහතිකයක් ළඟා කර ගැනීම සඳහා දෙරට අතර දේශපාලන අන්‍යෝන්‍ය විශ්වාසය සහ සමීප හවුල්කාරිත්වය තවදුරටත් තහවුරු කිරීමට සාඕ ටෝම් සහ ප්‍රින්සිප් බලාපොරොත්තු වන බව Patrice Trovoada මහතා පැවසීය.
දෙපාර්ශ්වය විසින් “උපායමාර්ගික හවුල්කාරී සම්බන්ධතාවය ස්ථාපිත කිරීම පිළිබඳ චීන මහජන සමූහාණ්ඩුව සහ සාඕ ටෝම් සහ ප්‍රින්සිප් ප්‍රජාතන්ත්‍රවාදී ජනරජය අතර ඒකාබද්ධ ප්‍රකාශය” නිකුත් කරන ලදී.
