වසර 2023 දී අත්සන් කරන ලද ජෙඩා ගිවිසුම ක්‍රියාත්මක කිරීම පිළිබඳ සාකච්ඡා සඳහා රජය දූත පිරිසක් ඊජිප්තුවේ කයිරෝ වෙත යවන බව සුඩානයේ අතරමැදි ස්වාධීන කවුන්සිලය නිවේදනයක් නිකුත් කරමින් ඊයේ(18) ප්‍රකාශ කළේය.

සුඩානය සඳහා වන ඇමරිකානු විශේෂ නියෝජිත Tom Perriello ගේ සබඳතා මත පදනම්ව මෙම නියෝජිත පිරිස යවනු ඇත.

රටපුරා සටන් විරාමයක් ක්‍රියාත්මක කිරීම සහ මානුෂීය ප්‍රවේශයට පහසුකම් සැලසීමේ උත්සාහයක් ලෙස සුඩානයේ ගැටුමට අදාළ ඇමරිකානු සාකච්ඡා අගෝස්තු 14 වැනි දින ජිනීවාහි දී ආරම්භ විය.

කෙසේ වෙතත් සාකච්ඡා සඳහා සහභාගී වූයේ පැරාමිලිටරි වේගවත් ආධාරක

බලකාය පමණකි. සුඩාන සන්නද්ධ හමුදාවන් අදාළ න්‍යාය පත්‍ර සහ සාකච්ඡාවට සම්බන්ධ වන පිරිස් පිළිබඳ කනස්සල්ල පළ කරමින් ඊට සහභාගී නොවීය.

සිවිල් වැසියන් සහ පොදු පහසුකම් ආරක්ෂා කිරීම මිලිටරි අරමුණු සඳහා භාවිතා නොකිරීමට නියම කර ඇති ජෙඩා ගිවිසුම උල්ලංඝනය කිරීම සම්බන්ධයෙන් පැරාමිලිටරි වේගවත් ආධාරක බලකාය සහ සුඩාන සන්නද්ධ හමුදාව අතර චෝදනා හුවමාරු විය.

සුඩානය මෙම දෙපාර්ශවය අතර මාරාන්තික ගැටුම 2023 වසරේ අප්‍රේල් 15 වැනිදා සිට අත්විඳිමින් සිටී. එහි ප්‍රතිඵලයක් ලෙස අවම වශයෙන් ජීවිත 16650ක් අහිමි වී ඇත. එක්සත් ජාතීන්ගේ නවතම දත්ත පෙන්වා දෙන්නේ මිලියන10.7ක ජනතාවක් සුඩානය තුළ අවතැන්ව සිටින අතර ආසන්න වශයෙන් තවත් මිලියන 2.2 ක පිරිසක් අසල්වැසි රටවල රැකවරණය පතා සිටින බවයි.