පසුගිය ජූලි මාසය අවසන් වන විට චීනයේ විදේශ විනිමය සංචිතය ඇමරිකානු ඩොලර් ට්‍රිලියන 3.2564 ක් බව වාර්තා වේ. ජූනි මාසය අවසානය හා සසඳන විට එය ඇමරිකානු ඩොලර් බිලියන 34 කින් වැඩි වී ඇති අතර එය 1.06% ක වර්ධනයක් බව චීනයේ විදේශ විනිමය පිළිබඳ රාජ්‍ය පරිපාලනය අද (7) නිකුත් කළ දත්ත පෙන්නුම් කර ඇත.

චීනයේ විදේශ විනිමය පිළිබඳ රාජ්‍ය පරිපාලනයේ නිලධාරීයෙක් ප්‍රකාශ කළේ ජූලි මාසයේදී ඇමරිකානු ඩොලර් දර්ශකය පහත වැටී ගෝලීය මූල්‍ය වත්කම් මිල සාමාන්‍යයෙන් ඉහළ ගිය බවයි. විනිමය අනුපාත පරිවර්තනය සහ වත්කම් මිලෙහි වෙනස්වීම් වැනි සාධකවල ඒකාබද්ධ බලපෑම් හේතුවෙන් එම මාසයේ චීනයේ විදේශ විනිමය සංචිත පරිමාණය වැඩි විය. චීන ආර්ථිකය සාමාන්‍යයෙන් ස්ථාවර ප්‍රගතියක් ලබා ඇති අතර යථා තත්ත්වයට පත්වෙමින් වැඩිදියුණු වෙමින් පවතී.