ඉන්දියාවේ Kerala ප්‍රාන්තයේ Wayanad දිස්ත්‍රික්කයේ දැවැන්ත නාය අනතුරක් සිදුව තිබේ. අද (30) අලුයම සිදු වූ මෙම ව්‍යසනයෙන් 84 දෙනෙකු මිය ගොස් ඇති අතර, 70 කට වැඩි පිරිසක් තුවාල ලැබූහ.  250 ක පමණ පිරිසකගේ දිවි ගලවා ගනු ලැබ ඇත.

මිය ගිය සංඛ්‍යාව තවදුරටත් ඉහළ යා හැකි බව, සහන සේවකයෝ පවසති. ඉන්දීය අග්‍රාමාත්‍ය Narendra Modi මහතා අනතුරින් මියගිය අයගේ පවුල් වෙත ශෝකය පළ කළේය.

ප්‍රදේශයේ මාර්ගය අවහිර වී ඇති අතර, මුදාගැනීමේ මෙහෙයුම් සඳහා රජය විසින් හෙලිකොප්ටර් යානා පිටත් කර යවා ඇත.

ඉදිරි දිනවලදීත් තද වර්ෂාපතනයක් පවතින බවට අනාවැකි පළ වී  ඇති බැවින් එය ගලවා ගැනීමේ කටයුතුවලට දැඩි බාධාවක් වනු ඇතැයි ද බලධාරීහු පවසති.