ඇමරිකානු ෆෙඩරල් රජයේ සමස්ත රාජ්‍ය ණය ප්‍රමාණය ප්‍රථම වරට ඇ.ඩො. ට්‍රිලියන 35 ඉක්මවා ඇති බව එරට භාණ්ඩාගාර දෙපාර්තමේන්තුව පවසයි.
වගකීම් සහිත ෆෙඩරල් අයවැයක් සඳහා වූ කමිටුවේ සභාපති Maya MacGuineas ඊයේ (29) සඳහන් කළේ මෙම ණය ප්‍රමාණය බරපතල තත්ත්වයක් බවයි. එය මුහුණදීමට සිදුව ඇති දැඩි අනතුරුවලින් එකක් ලෙසටද ඇය හඳුන්වා දුන්නාය.
මැතිවරණ වසරේ සම්පූර්ණයෙන්ම අපේක්ෂා කළ හැකි අවදානම් වළක්වා ගැනීමට උත්සාහ කිරීම හැර වෙනත් විකල්පයක් නොමැති බවද ඇයගේ අදහස වී තිබේ.
ඇ.ඩො. ට්‍රිලියන 35ක රාජ්‍ය ණය යනු ඇමරිකාවේ එක් පුද්ගලයෙකු සතු ණය ප්‍රමාණය ඇ.ඩො. 103,945 ලෙස‍ට අර්ථ ගැන්විය හැකි යැයි දිගුකාලීන මූල්‍ය අභියෝග ආමන්ත්‍රණය කෙරෙහි අවධානය යොමු කරන පක්ෂග්‍රාහී නොවන සංවිධානයක් වන පීටර් ජී. පීටර්සන් පදනම පෙන්වා දී ඇත.
ළඳරු උපත්, අධික සෞඛ්‍ය සේවා පිරිවැය සහ රජය සිය පුරවැසියන්ට ලබා දී ඇති පොරොන්දු ඉටු කිරීම සඳහා ප්‍රමාණවත් බදු මුදලක් අය නොකිරීම වැනි ව්‍යුහාත්මක සාධක මෙම මූල්‍ය හිඟයට ප්‍රධාන හේතූන් බව එම පදනම සඳහන් කර ඇත.
