2024 ආසියානු කුසලාන 20/20 කාන්තා ක්‍රිකට් ශුරතාව දිනාගැනීමට ශ්‍රී ලංකාව සමත් වෙයි. රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ ඊයේ (28) රාත්‍රී පැවති අවසන් මහා තරගයේ දී ශ්‍රී ලංකා ක්‍රීඩිකාවෝ ප්‍රබල ඉන්දීය පිල කඩුලු 8 කින් පරාජය කිරීමට සමත් වූහ.

ඉන්දියාව ඕවර 20 ක දී කඩුලු 6 ක් දැවී ලකුණු 165 ක් රැස් කළ අතර, ශ්‍රී ලංකා කණ්ඩායම ඕවර 18.4 ක දී කඩුලු 2 ක් දැවී ලකුණු 167 ක් ලබා ගනිමින් ජයග්‍රහණය වාර්තා කළේය.

ශ්‍රී ලංකාව ආසියානු 20/20 කාන්තා ක්‍රිකට් ශූරතාව දිනූ පළමු අවස්ථාව මෙය යි. මීට පෙර පැවැති තරගාවලි හතරෙන් 2022 වසරේ පමණක් ශ්‍රී ලංකාව අනුශූරතාව දිනා ඇත.

මේ අතර, චමරි අතපත්තු ප්‍රමුඛ ජයග්‍රාහී ශ්‍රී ලංකා කාන්තා ක්‍රිකට් කණ්ඩායමට ජනාධිපති රනිල් වික්‍රමසිංහ මහතා සුබ පැතුම් පිරිනැමීය.