චීන Zhongxing-3A චන්ද්‍රිකාව බෙයිජිං වේලාවෙන් ඊයේ (29) රාත්‍රී 19:57ට වෙන්චාං චන්ද්‍රිකා නිකුත් කිරීමේ මධ්‍යස්ථානයේ සිට සාර්ථකව ගුවන්ගත කෙරිණ. ලෝන්ග් මාර්ච් අංක 7 නවීකරණය කරන ලද වාහක රොකට්ටුව ආධාරයෙන් දියත් කෙරුණු චන්ද්‍රිකාව නියමිත කක්ෂයට සාර්ථකව ප්‍රවේශ වී තිබේ.

Zhongxing-3A චන්ද්‍රිකාව සන්නිවේදන හා ගුවන්විදුලි චන්ද්‍රිකාවකි. එමගින් සේවාදායකයින් වෙනුවෙන් ඇමතුම්, දත්ත හුවමාරුව, ගුවන්විදුලි හා රූපවාහිනී සම්ප්‍රේෂණ සඳහා අවශ්‍ය පහසුකම් සපයනු ඇත.

මෙය ලෝන්ග් මාර්ච් වාහක රොකට්ටුවේ 526 වන මෙහෙයුමයි.