ඇමරිකානු ආරක්ෂක ලේකම්වරයා අද (1) පැවති Shangri-La සංවාදය ඇමරිකානු පුද්ගලික සංදර්ශනයක් ලෙස සලකන බව පවසා තිබේ. එහිදී ඔහු "ඉන්දු-පැසිෆික් උපායමාර්ගය" සහ චීන තායිවාන ගැටළුව සම්බන්ධයෙන් පැකිලීමකින් තොරව අදහස් දක්වා ඇත.
මේ පිළිබඳව චීනය පෙන්වා දෙන්නේ, ඇමරිකාවේ "ඉන්දු-පැසිෆික් උපායමාර්ගය" සැබැවින්ම බෙදීම් ඇතිකිරීම, ගැටුම් අවුලුවාලීම සහ ස්ථාවරත්වය අඩපණ කිරීමේ වෑයමක් බවයි. එහි සැබෑ අරමුණ ඇමරිකාවේ අධිපතිවාදීත්වය පවත්වා ගැනීම පමණකි. මෙම උපායමාර්ගය මගින් ඇමරිකාවේ ආත්මාර්ථකාමී භූ දේශපාලනික අවශ්යතා පමණක් ඉටුකෙරෙන අතර, අනාගත පැවැත්මක් නොමැති එය නිසැක විනාශයට පත්වනු ඇත.
තායිවාන ප්රශ්නය යනු චීන-ඇමරිකානු සබඳතාවල අතිශය වැදගත්, සංවේදී සහ කේන්ද්රීය සාධකයයි. මෑත වසරවල ඇමරිකාව සිය ප්රතිඥා කඩ කර, එකම චීනය මූලධර්මයට ව්යාජ ලෙස ප්රතිචාර දක්වා තිබේ. එසේම, තායිවාන බෙදුම්වාදී හමුදාවන්ට උදව් කරමින්, එම ප්රදේශය සන්නද්ධ කිරීමට සහ තායිවාන සමුද්ර සන්ධියේ සාමය කඩාකප්පල් කිරීමට ද ඇමරිකාව උත්සාහ දරමින් සිටී.
තායිවාන ප්රදේශය චීනයෙන් වෙන්වීමට, චීන මහජන විමුක්ති හමුදාව කිසිවිටකත් ඉඩ නොතබනු ඇත. "තායිවානය බෙදීම" යුද්ධයක් හා සමාන ක්රියාවකි.
චීන මහජන විමුක්ති හමුදාව කිසිවිටෙකත් පුහුණුවීම් හෝ යුද්ධයට සූදානම් වීම නොනවත්වනු ඇත. බෙදුම්වාදයට එරෙහිව සටන් කිරීම සහ එකමුතුකම යළි සහතික කිරීම ඔවුහු කිසිවිටෙකත් අතහැර නොදමති. චීන මහජන විමුක්ති හමුදාව අධිෂ්ඨානශීලීව බාහිර මැදිහත්වීම් මර්දනය කරමින්, ජාතික ස්වෛරීභාවය සහ භෞමික අඛණ්ඩතාව ආරක්ෂා කිරීමේ සිය මෙහෙවර සපුරා ඉටුකරනු ඇත.