2022 සැප්තැම්බර් මස සිදු වූ නෝර්ඩ් ස්ට්‍රීම් නල පිපිරීම් පිළිබඳ ජාත්‍යන්තර පරීක්ෂණයක් පවත්වන ලෙස එක්සත් ජාතීන්ගේ චීනයේ නියෝජ්‍ය නිත්‍ය නියෝජිත Geng Shuang මහතා, එක්සත් ජාතීන්ගේ සංවිධානයෙන් ඉල්ලා සිටියි.

නෝර්ඩ් ස්ට්‍රීම් නල මාර්ගයේ පිපිරීම් ජාත්‍යන්තර බලශක්ති යටිතල පහසුකම් කඩාකප්පල් කිරීමට කරන ලද බරපතල සිද්ධියක් බව හෙතෙම ඊයේ(26) පැවසීය..

ජාත්‍යන්තර ප්‍රජාවට සත්‍යය හෙළිදරව් කිරීම සඳහා එක්සත් ජාතීන්ගේ නායකත්වයෙන් ජාත්‍යන්තර පරීක්ෂණයක් කඩිනමින් දියත් කරන ලෙස ඉල්ලා සිටින ලෙස නැවත අවධාරණය කරන බව හෙතෙම පැවසීය.

නෝර්ඩ් ස්ට්‍රීම් නල පිපිරීම්වලට රුසියාව ප්‍රධාන පාර්ශ්වකරුවෙකි. රුසියාව සමඟ සක්‍රීයව සන්නිවේදනය සහ සහයෝගීතාවයෙන් කටයුතු කරන ලෙසත්, සිද්ධිය සම්බන්ධයෙන් ඒකාබද්ධව විමර්ශනය කරන ලෙසත් චීනය අදාළ රටවලින් ඉල්ලා සිටී. නෝර්ඩ් ස්ට්‍රීම් ප්‍රශ්නය සම්බන්ධයෙන් ජාත්‍යන්තර ප්‍රජාව තුළ සහ විශේෂයෙන්ම ආරක්ෂක මණ්ඩලය තුළ ද්විත්ව ප්‍රමිතීන් වළක්වා ගැනීම වැදගත් බව ද Geng Shuang මහතා පැවසීය.