මොනාකෝ හි ප්‍රින්සිපල්ටියේ නායකයා වන දෙවන ඇල්බට්, චීන ජනාධිපති ෂී ජින් පිං මහතාගේ පැරණි මිතුරෙකු වන අතර, රාජ්‍ය නායකයන් දෙදෙනා කිහිප වතාවක්ම හමු වී ඇත.
මීට වසර පහකට පෙර, 2019 වසරේ මාර්තු මාසයේ 24වැනිදා, චීන ජනාධිපති ෂී ජින් පිං මහතා මොනාකෝ හි සංවාරයක නිරත වෙමින් මොනාකෝ වෙත ගිය පළමු ඉහළම චීන නායකයා බවට පත්විය. දෙවන ඇල්බට් හැඟුම්බරව මෙසේ පැවසීය, “මෙය මට මහත් ප්‍රීතියකි. ප්‍රධාන රටක සහ ලෝකයේ බලවත් රටක රාජ්‍ය නායකයෙකු මොනාකෝ වෙත පැමිණි පළමු අවස්ථාව මෙයයි.”
ෂී ජින් පිං මහතා සහ දෙවන ඇල්බට් සැලකිලිමත් වන ක්ෂේත්‍ර රාශියකි. රාජ්‍ය නායකයින් දෙදෙනා එක්ව සෝචි ශීත ඍතු ඔලිම්පික්, Nanjing යොවුන් ඔලිම්පික් ක්‍රීඩා සහ බෙයිජිං ශීත ඍතු ඔලිම්පික් ක්‍රීඩා උළෙ‍ල සමාරම්භක උත්සව සඳහා සහභාගී වී ඇත.
දෙවන ඇල්බට් පැවසුවේ, “ජනාධිපති ෂී ජින් පිං මහතා ක්‍රීඩාවේ වැදගත්කම හොඳින් වටහාගෙන ඇති බවට මම සිතමි, මන්ද ඔහු බෙයිජිං 2022 ශීත ඍතු ඔලිම්පික් උළෙලේ සත්කාරකත්වය දැරීමට සහාය දෙනවා පමණක් නොව, චීන ජනතාවට ශාරීරික ව්‍යායාම්වල අඛණ්ඩව නිරතවනු ඇතැයි බලාපොරොත්තු වන බැවිනි.”
චීන ආකාරයේ නවීකරණය යනු මිනිසා සහ ස්වභාවධර්මය සුසංයෝගයෙන් පවතින නවීකරණයක් බව ජනාධිපති ෂී ජින් පිං මහතා බොහෝ වරක් අවධාරණය කර ඇත.
පසුගිය දශකයක පමණ කාලය තුළ චීනය ජෛව විවිධත්ව ආරක්ෂණය සඳහා ප්‍රධාන ව්‍යාපෘති ක්‍රියාත්මක කර ඇත. දුර්ලභ හා වඳවීයාමේ තර්ජනයට ලක්ව ඇති විශේෂ විශාල සංඛ්‍යාවක් ඵලදායී ලෙස ආරක්ෂා කර ඇති අතර, සියලු දේවල සුසංයෝගී සහජීවනය පිළිබඳ පාරිසරික චිත්රය සෙමින් දිග හැරෙමින් තිබේ.
2018 වසරේ සැප්තැම්බර් මාසයේදී, ජනාධිපති ෂී ජින් පිං මහතා බෙයිජිං හිදී දෙවන ඇල්බට් හමුවිය. සයිබීරියානු කොටි ආරක්ෂිත ප්‍රදේශය, සයිබීරියානු දිවියන් ගේ ආරක්ෂිත ප්‍රදේශය සහ වයඹ දිග හිම දිවි ආරක්ෂිත ප්‍රදේශය පිහිටුවීමට තමා තීරණය කළ බව ෂී ජින් පිං මහතා පැවසීය.
මෙම සත්ව ආරක්ෂණය ගැන ද සැලකිලිමත් වන දෙවන ඇල්බට් ගේ සිත් ගත් කරුණකි. පරිසරය වැඩිදියුණු කිරීම සඳහා ජනාධිපති ෂී ජින් පිං මහතා සහ චීන රජයේ අධිෂ්ඨානය සහ කැමැත්ත විශේෂයෙන් තමා ස්පර්ශ කළ බව ඔහු පැවසීය. පොදු ඉරණමක් සහිත මානව ප්‍රජාව ඔහු හොඳින් වටහාගෙන සිටින බවත්, මානව වර්ගයාගේ අනාගතය ගැන සැලකිලිමත් වීම ඉතා හොඳ අදහසක් බවත් ඔහු පැවසීය.
