චීන ජනපතිගෙන් ඉන්දුනීසියානු නව ජනපතිට සුබ පැතුම්
2024-03-21 10:54:32
Share with:

චීන ජනාධිපති ෂී ජින්පිං මහතා ඉන්දුනීසියානු ජනාධිපති ලෙස තේරී පත් වූ Prabowo Subianto මහතාට ඊයේ (20) සුබ පැතුම් එක් කළේය.

චීනය සහ ඉන්දුනීසියාව සාම්ප්‍රදායික මිත්‍ර අසල්වැසියන් බව සඳහන් කළ චීන ජනාධිපතිවරයා, දෙපාර්ශ්වයේ ඒකාබද්ධ ප්‍රයත්නයන් සමඟ, වඩාත් තහවුරු වූ දේශපාලන අන්‍යෝන්‍ය විශ්වාසය, සංවර්ධන උපායමාර්ගවල ගැඹුරු සහයෝගීතාවය සහ අන්‍යෝන්‍ය වශයෙන් ඵලදායි ද්විපාර්ශ්වික සබඳතා වර්ධනය වේගවත් මාවතකට පිවිස ඇති බව සඳහන් කර ඇත. 

පොදු ඉරණමක් සහිත චීන-ඉන්දුනීසියානු ප්‍රජාවක් ගොඩනැගීමේ නව පරිච්ඡේදයක් දෙපාර්ශ්වය විසින් විවෘත කර තිබේ. දෙරට සබඳතා වර්ධනය කිරීම සඳහා තමා විශාල වැදගත්කමක් ලබා දෙන බවත්, පොදු සංවර්ධනය සඳහා සහයෝගීතාවයේ සහ සම්බන්ධීකරණයේ ආදර්ශයක් ප්‍රධාන සංවර්ධනය වෙමින් පවතින රටවල් අතර බිහිකිරීමට ජනාධිපති ලෙස තේරී පත් වූ Prabowo Subianto මහතා සමඟ කටයුතු කිරීමට බලාපොරොත්තු වන බවත් චීන ජනාධිපතිවරයා ප්‍රකාශ කර ඇත. 

එසේම දෙරටේ ජනතාවට වැඩි ප්‍රතිලාභ ගෙන ඒමටත් කලාපීය හා ගෝලීය සමෘද්ධිය හා ස්ථාවරත්වයට ශක්තිමත් උත්තේජනයක් ලබා දීමටත් අපේක්ෂා කරන බව ද ෂී ජින්පිං මහතාගේ සුබ පැතුම් පණිවිඩයේ සඳහන් කෙරිණ.

ගුවන් විදුලිය
20240724බදාදා
වැඩියෙන්ම කියවූ ප්‍රවෘත්ති
සබැඳුම