හමාස් සංවිධානය ඇතුළු ගාසා තීරයේ සටන් විරාම ගිවිසුමට අදාළ පාර්ශ්ව ඊයේ (3) ඊජිප්තුවේ කයිරෝ අගනුවරදී නව වටයේ සාකච්ඡා ආරම්භ කළ බව ඊජිප්තු මාධ්‍ය වාර්තා කරයි. එම සාකච්ඡා අඛණ්ඩව පැවැත්වීමට ද නියමිතය. මේ අතර, එදින පැවති සාකච්ඡාවට එක් වීම ඊශ්‍රායලය ප්‍රතික්ෂේප කළ බව ද ඊශ්‍රායල මාධ්‍ය වාර්තා කළේය.

හමාස් සංවිධානයේ උසස් නිළධාරි‍යෙකු වන  Khalil al-Hayya ප්‍රමුඛ නියෝජිත පිරිස මෙවර සාකච්ඡාවට සහභාගී වී ඇත. ගාසා තීරයේ සටන් විරාමය හා ප්‍රාණ ඇපකරුවන් නිදහස් කිරීම පිළිබඳ ගිවිසුම් සම්බන්ධයෙන් සාකච්ඡා කිරීමට එම නියෝජිත පිරිස කයිරෝ නුවරට පැමිණ ඇත.