7 වැනි චීන ජාත්‍යන්තර ආනයන ප්‍රදර්ශනය ලබන නොවැම්බර් මාසයේ Shanghai නගරයේ දී පැවැත්වෙයි.

නොවැම්බර් 5-10 වැනි දා දක්වා ප්‍රදර්ශනය පැවැත්වීමට නියමිත ය. ජාතික ප්‍රදර්ශන, ව්‍යවසාය ප්‍රදර්ශනය, Hongqiao සාකච්ඡා මණ්ඩපය, සමගාමී ක්‍රියාකාරකම් හා මානව හුවමාරු වැඩසටහන් සමස්ත ඉසව්ව යටතේ සංවිධාන කෙරෙනු ඇත.

‍7 වැනි චීන ජාත්‍යන්තර ආනයන ප්‍රදර්ශනයට අදාළ පෙර සූදානම් කටයුතු මේ වනවිට විධිමත් ව ක්‍රියාවට නංවා ඇත. Shanghai නගරයේ ඊයේ (29) පැවති එම ප්‍රදර්ශනය හා සම්බන්ධ වැඩමුළුවේ දී මේ බව ප්‍රකාශ කෙරිණ.

මෙවර ව්‍යවසාය ප්‍රදර්ශනය පැවැත්වෙන භූමියේ වපසරිය වර්ග කිලෝමීටර් 2 ලක්ෂ 40 දහසකට අධික ය. ලොව ප්‍රමුඛ ස්ථාන 500 යේ රැඳීසිටින ව්‍යවසායන් හා විවිධ ක්ෂේත්‍රවල කැපී පෙනෙන ව්‍යවසායන් 200 ක් පමණ මේ සඳහා සහභාගිත්වය සනාථ කර තිබීම විශේෂත්වයකි.