ගාසා තීරයේ වෛද්‍ය පහසුකම් තත්ත්වය තවදුරටත් අයහපත් අතට
2023-12-25 09:43:11
Share with:
ගාසා තීරයේ වෛද්‍ය පහසුකම් අතිශය අසීරු තත්ත්වයක පවතී. ලෝක සෞඛ්‍ය සංවිධානය ඊයේ (24) මේ බව සඳහන් කළේ ය.
දැනට එහි සේවා ක්‍රියාත්මක ව පවතින්නේ රෝහල් 36 න් 9 ක පමණකි. එම සේවා ද දැඩි ලෙස පිරිහී ඇතැයි ලෝක සෞඛ්‍ය සංවිධානය පවසයි. ගාසා තීරයේ වෛද්‍ය සේවා ඉල්ලුම් පුළුල් ලෙස ඉහළ ගොස් ඇතත්, ඊට සාපේක්ෂව රෝහල් ඇඳන් පවතින්නේ 38% ක් පමණකි. වෛද්‍ය සත්කාරක සේවා සැපයුම 30% ක් පමණ වේ.
ගාසා තීරයේ වෛද්‍ය පහසුකම් අකර්මණ්‍ය වීම දැඩි ඛේදවාචකයක් නිර්මාණය කරනු ඇතැයි පවසන ලෝක සෞඛ්‍ය සංවිධානය, කඩිනමින් සටන් විරාමයක් ප්‍රවර්ධනය කරන ලෙස විවිධ පාර්ශ්වයන්ගෙන් ඉල්ලා සිටී.
