බ්‍රිතාන්‍යයේ සිටින යෝධ පැන්ඩා Yangguang සහ Tiantian දෙසැම්බර් මාසයේදී නියමිත කාලය අවසන් වූ විට නැවත චීනයට පැමිණෙනු ඇත.

චීන විදේශ අමාත්‍යාංශ ප්‍රකාශක Wang Wenbin මහතා අද (1) පැවති නිත්‍ය මාධ්‍ය හමුවේ දී මේ බව පැවසීය.

චීනය සහ බ්‍රිතාන්‍යය 2011 වසරේදී යෝධ පැන්ඩා සංරක්ෂණ පර්යේෂණ සඳහා ජාත්‍යන්තර සහයෝගීතාව දියත් කළ දා සිට හොඳ සහයෝගතා සබඳතාවක් ගොඩනඟා ගෙන ඇති අතර චීන සහ බ්‍රිතාන්‍ය ජනතාව අතර අන්‍යෝන්‍ය අවබෝධය සහ මිත්‍රත්වය ඉහළ නැංවීමට වැදගත් කාර්යභාරයක් ඉටු කළ බව Wang Wenbin මහතා පැවසීය. චීනය සහ බ්‍රිතාන්‍යය විසින් අත්සන් කරන ලද සහයෝගීතා ගිවිසුමට අනුව, මෙම වසරේ දෙසැම්බර් මාසයේදී සහයෝගීතා ගිවිසුම අවසන් වීමෙන් පසු යෝධ පැන්ඩාවන් වන Yangguang සහ Tiantian නැවත චීනයට පැමිණෙනු ඇත. අනාගතයේදී, වඳවීමේ තර්ජනයට ලක්ව ඇති විශේෂ සහ ජෛව විවිධත්ව ආරක්ෂණ ක්ෂේත්‍රයේ බ්‍රිතාන්‍යය ඇතුළු ජාත්‍යන්තර හවුල්කරුවන් සමඟ සහයෝගීතාව ශක්තිමත් කිරීමට සහ චීන සහ විදේශීය ජනතාව අතර මිත්‍රත්වය වැඩි දියුණු කිරීමට චීනය කැමැත්තෙන් සිටින බව හෙතෙම පැවසීය.