න්‍යෂටික අපජලය ආරක්ෂිත බවට ජපානය කළ ප්‍රකාශයේ අසත්‍යතාව හෙළි වෙයි
2023-11-03 09:25:22
Share with:

දෙස් විදෙස් බලවත් විරෝධය මැද ජපානයේ ටෝකියෝ විදුලිබල සමාගම ඊයේ (2) ෆුකුෂිමා න්‍යෂ්ටික බලාගාරයෙන් තුන්වැනි වරටත් න්‍යෂ්ටික අපජලය මුහුදට මුදාහැරීය. මෙම න්‍යෂ්ටික අපජලයෙහි “ට්‍රිටියම් නමැති විකිරණශීලී ද්‍රව්‍යය යම්කිසි සාන්ද්‍රණයක් අඩංගු වෙතැයි අපේක්ෂා කළ හැකි” බව ද ඔවුන් පවසා ඇත.

කෙසේවෙතත්, සතියකට පෙර, මෙම කුප්‍රකට ආයතනයේ විකිරණශීලී අපද්‍රව්‍ය ආශ්‍රිත අනතුරකින් රෝගී වූ කාර්ය මණ්ඩලයේ දෙදෙනෙක් වහා රෝහල්ගත කරනු ලැබූහ. න්‍යෂ්ටික අපජලය ආරක්ෂිත බවට ජපානයේ ප්‍රකාශය විශ්වාස කළ නොහැකි බවත්,ඒවා මුහුදට බැහැර කිරීමේ අවදානම අවතක්සේරු නොකළ යුතු බවත් මෙයින් සනාථ වේ.

මෙම නවතම අනතුර විසින් ජපානය මෙතෙක් සැලසුම් සහගතව කළ ප්‍රකාශ දෙකක අසත්‍යතාව යළි හෙළිදරව් කර ඇත. එනම්, තාක්‍ෂණිකව පිරිපහදු කළ න්‍යෂ්ටික අපජලය “ආරක්ෂිත” වන බවටත්, අපජලය බැහැර කිරීමේ ක්‍රියාවලිය “ආරක්ෂිත සහ විශ්වසනීය” වන බවටත් ඔවුන් කළ ප්‍රකාශයන් ය.

ෆුකුෂිමා න්‍යෂ්ටික අපජලයේ රේඩියෝනියුක්ලයිඩ 60 කට වඩා වැඩි සංඛ්‍යාවක් අඩංගු බව බහුවිධ අධ්‍යයන මගින් හෙළි වී ඇත. ට්‍රිටියම් හැර, බොහෝ නියුක්ලයිඩවලට තවමත් ඵලදායී ප්‍රතිකාර තාක්ෂණයක් නොමැත. ෆුකුෂිමා න්‍යෂ්ටික අපජලය අතිශයින් විකිරණශීලී වන අතර, ප්‍රතිකාර ක්‍රියාවලිය පිළිබඳ දැඩි අවදානමක් ද පවතී.

මේ වන විට ජපානය න්‍යෂ්ටික අපජලය මුහුදට  මුදාහැරීම ආරම්භ කර මාස දෙකකට වැඩි කාලයක් ගත වී ඇත. නවතම අනතුරින් පිළිබිඹු වන්නේ මේ සඳහා දිගුකාලීන හා ඵලදායී ජාත්‍යන්තර නිරීක්ෂණ විධිවිධාන යෙදීම අත්‍යවශ්‍ය බවයි.

ගුවන් විදුලිය
20240418බ්‍රහස්පතින්දා
වැඩියෙන්ම කියවූ ප්‍රවෘත්ති
සබැඳුම