එක්සත් ජාතීන්ගේ මහලේකම් ඇන්ටෝනියෝ ගුටරෙස් මහතා ඊයේ(26) ආරක්ෂක මණ්ඩලයට ඉදිරිපත් කළ ප්‍රකාශයක දී, ජ්‍යෙෂ්ඨ ඊශ්‍රායල රාජ්‍ය තාන්ත්‍රිකයන් විසින් තමා හමාස් ප්‍රහාර අනුමත කරන බවට කරන ලද "අසත්‍ය" ප්‍රකාශය  දැඩි ලෙස ප්‍රතික්ෂේප කළේය.

ඊශ්‍රායල සහ පලස්තීන අර්බුදය සම්බන්ධයෙන් ආරක්ෂක කවුන්සිලයේ 24 වැනිදා පැවති විවාදය අමතමින් ඔක්. 7 වන දින හමාස් විසින් කරන ලද "භයානක" ප්‍රහාර කිසිවක් සාධාරණීකරණය කළ නොහැකි වුවද, එය හඳුනා ගැනීම වැදගත් බව එක්සත් ජාතීන්ගේ ප්‍රධානියා පවසා තිබේ. එක්සත් ජාතීන්ගේ ඊශ්‍රායලයේ නිත්‍ය නියෝජිත ගිලාඩ් එර්ඩන් ට්වීටර් පණිවිඩයක් නිකුත් කරමින් ගුටරෙස්ගේ කතාව ප්‍රධාන වශයෙන් සිවිල් වැසියන් 1,400 ක් පමණ මිය ගිය “හමාස්ගේ කුරිරු ප්‍රහාරය සාධාරණීකරණය කිරීමට” කරන ලද උත්සාහක් බව සඳහන් කර ඇත. එක්සත් ජාතීන්ගේ ප්‍රධානියා ඉල්ලා අස්විය යුතු යැයි එර්ඩන් ඉල්ලා සිටි අතර පසුව ඊශ්‍රායලය එක්සත් ජාතීන්ගේ නිලධාරීන්ට වීසා ලබා නොදෙන බව ද පැවසීය.

තම ප්‍රකාශයන් වැරදි ලෙස නිරූපණය කිරීම ගැන තමා කම්පනයට පත් වූ බව වාර්තාකරුවන් හමුවේ ද ගුටරේස් මහතා පවසා තිබේ.