ධීවර කර්මාන්තයටම විශේෂිත වූ ආයෝජන කලාපයක් උතුරු පළාත තුළ ස්ථාපිත කිරීමට පියවර
2023-10-19 15:00:23
Share with:
ධීවර කර්මාන්තයටම විශේෂිත වූ ආයෝජන කලාපයක් උතුරු පළාත තුළ ස්ථාපිත කිරීම සඳහා මේ වන විට වැඩ පිළිවෙළක් සකස් කෙරෙමින් පවතින බව ධීවර රාජ්‍ය අමාත්‍ය පියල් නිශාන්ත මහතා පවසයි.
ඒ හරහා ධීවර කර්මාන්තයට අදාළ ආයෝජන මෙරටට ගෙන්වා ගැනීමට මෙන්ම විශාල පිරිසකට රැකියා අවස්ථා ලබාදීමට හැකිවන බව ද හෙතෙම පැවසීය.
ධීවර කර්මාන්තයට මෙන්ම පාරිභෝගිකයාට දැඩි පාඩුවක් ගෙන දෙමින් අතරමැදියන් පිරිසක් අයුතු ලාබ ලැබූ ධීවර මාෆියාව අවසන් කිරීමට අවශ්‍ය පියවර මේ වනවිටත් ගෙන ඇති බව ද රාජ්‍ය අමාත්‍යවරයා අවධාරණය කළේය.
ධීවර රාජ්‍ය අමාත්‍ය පියල් නිශාන්ත මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක්වෙමිනි.
