ශ්‍රී ලංකාවේ ආර්ථිකය ස්ථාවරත්වයට සහ යථා තත්ත්වයට පත්වීමේ ධනාත්මක ලකුණු පෙන්නුම් කරන බව ලෝක බැංකු ආර්ථික විද්‍යාඥ රිචඩ් වෝකර් මහතා පවසයි. 

ශ්‍රී ලංකාවේ ආර්ථිකය වසර 2023දී 3.8%කින් හැකිළීමෙන් පසු ලබන වසරේ 1.7%කින් වර්ධනය වනු ඇතැයි අපේක්ෂා කරන බව හෙතෙම ඊයේ(3) කොළඹදී ප්‍රකාශ කර ඇත.

මීට මාස 19කට පෙර 70%ක් පමණ වූ උද්ධමනය මේ වන විට තනි ඉලක්කමක මට්ටමට පැමිණ ඇති බව ද ලෝක බැංකු ආර්ථික විද්‍යාඥයා පැවසීය.

රටේ මේ වන විට පොලී අනුපාතය අඩු වී ඇති අතර වැඩි සංචාරක ව්‍යාපාරය සහ ප්‍රේෂණ සහ සංවර්ධන හවුල්කරුවන්ගෙන් ලැබෙන ගලා ඒම සමඟින් විදේශ සංචිත ද තවදුරටත් ශක්තිමත් වනු ඇතැයි ඔහු අපේක්ෂා පළ කරයි. 

2022දී ඇ.ඩොලරයට සාපේක්ෂව 81%කින් අවප්‍රමාණය වීමෙන් පසුව, ශ්‍රී ලංකා මුදල් ඒකකය 2023 ජනවාරි සිට අගෝස්තු දක්වා සියයට 11කින් ඉහළ ගියේය. වසරේ මුල් මාස හතර තුළ අඩු වූ ප්‍රාථමික හිඟයේ පහත වැටීමක් ද දක්නට ලැබිණ. මෙය IMF වැඩසටහනට අනුකූල සිදු වූවකි.

දේශීය ණය ප්‍රතිව්‍යුහගත කිරීම සම්බන්ධයෙන් මේ වන විට පැහැදිලි බවක් ඇති බව ප්‍රකාශ කළ ඔහු දුර්වල ආනයන ඉල්ලුම සහ ආනයන සීමා කිරීම් හේතුවෙන් වැඩිදියුණු වූ වෙළෙඳ ශේෂයක් ද පවතින බව ද සඳහන් කළේය.