රුසියානු-යුක්රේන ගැටුම නතර කරන ලෙස චීනයෙන් ඉල්ලීමක්
2023-08-25 14:03:04
Share with:

රුසියානු-යුක්රේන ගැටුම නතර කරන ලෙස චීනය ඉල්ලා සිටී.

එක්සත් ජාතීන්ගේ චීන ස්ථාවර නියෝජිත Zhang Jun මහතා ඊයේ(24) පැවති යුක්රේන ප්‍රශ්නය පිළිබඳ ආරක්ෂක මණ්ඩලයේ සමාලෝචනයේදී අදහස් දක්වමින් මේ බව පැවසීය.

ඔහු කියා සිටියේ රුසියාව හා යුක්රේනය අතර සටන් විරාමයක් සඳහා සම්පූර්ණයෙන්ම ප්‍රවර්ධනය කළ යුතු බවයි.

සෑම රටකම ස්වෛරීභාවය සහ භෞමික අඛණ්ඩතාව ආරක්ෂා කළ යුතු බව චීනය සැමවිටම අවධාරණය කරයි. එසේම, ‘එක්සත් ජාතීන්ගේ ප්‍රඥප්තියේ’ අරමුණු සහ ප්‍රතිපත්තිවලට ගරු කළ යුතුය. විවිධ පාර්ශ්වයන්ගේ නීත්‍යානුකූල ආරක්ෂක අවශ්‍යතා බැරෑරුම් ලෙස සැලකිය යුතු අතර, අර්බුදය සාමකාමීව විසඳීමට දරන සියලු උත්සාහයන්ට සහාය විය යුතු බව Zhang Jun මහතා එහිදී පැවසීය. ඉහත ස්ථාවරය මත පදනම්ව චීනය සාමය සාක්ෂාත් කර ගැනීමට උත්සාහ කරන බව ද හෙතෙම සඳහන් කළේය.

සටන් විරාමය සහ යුද්ධය නැවැත්වීම ප්‍රවර්ධනය කිරීමට ජාත්‍යන්තර ප්‍රජාව සෑම උත්සාහයක්ම ගත යුතු යැයි හෙතෙම පැවසීය. එමෙන්ම මානුෂීය ආධාර සම්පූර්ණයෙන්ම සහතික කරමින් න්‍යෂ්ටික ආරක්ෂක අවදානම් සම්පූර්ණයෙන්ම වළක්වා ගත යුතු බව ද Zhang Jun මහතා අවධාරණය කළේය.

ගුවන් විදුලිය
20240424 බදාදා
වැඩියෙන්ම කියවූ ප්‍රවෘත්ති
සබැඳුම