Shenzhou-16 ගගනගාමීන් සහිත අභ්යවකාශ යානය අද (30) චීනයේ අභ්යවකාශ මධ්යස්ථානය සමග සාර්ථකව සම්බන්ධ වූ බව චීන මිනිසුන් සහිත අභ්යවකාශ ඒජන්සිය (CMSA) පවසයි.
බෙයිංජිං වේලාවෙන් අද සවස 4:29 ට එහි මූලික මොඩියුලය වන Tianhe හි කේන්ද්රීය කවුළුව සමඟින් වේගවත්ව සහ ස්වයංක්රීයව සම්බන්ධ වෙමින් අභ්යවකාශ මධ්යස්ථානයේ ස්ථානගත කර ඇත. මෙම සම්පූර්ණ ක්රියාවලිය සඳහා පැය 6.5 ක පමණ කාලයක් ගත වූ බව චීන මිනිසුන් සහිත අභ්යවකාශ ඒජන්සිය පවසයි.
චීන අභ්යවකාශ මධ්යස්ථානයේ මේ වන විට රැඳී සිටින Shenzhou-15 ගගනගාමීන් කණ්ඩායම අද ප.ව.6:22ට අභ්යවකාශ මධ්යස්ථානයේ දොරටුව විවර කර Shenzhou-16 යානයේ ගගනගාමීන් පිළිගත්හ. එම ගගනගාමීන් කණ්ඩායම් දෙකම එක්ව දින පහක් තුළ නියමිත මෙහෙයුම් සම්පූර්ණ කිරීමට සැලසුම් කර ඇත. ඉන් අනතුරුව එම ගගනගාමීන් අභ්යවකාශ මධ්යස්ථානයේ කක්ෂයේ භ්රමණයන් සිදු කරනු ඇත.