පසුගිය දා ඇමරිකානු රාජ්‍ය ලේකම් Antony Blinken නිවේදනයක් නිකුත් කර ඇත. එම නිවේදනය මගින් නිරීක්ෂකයෙකු ලෙස මේ වසරේ ලෝක සෞඛ්‍ය සමුළුවට සහභාගී වන ලෙස චීන තායිවාන ප්‍රදේශයට ආරාධනා කරන්නැයි ලෝක සෞඛ්‍ය සංවිධානයෙන් දැඩි ලෙස ඉල්ලීම් කර ඇත. එම ක්‍රියාව, තායිවාන ප්‍රශ්නය සම්බන්ධයෙන් ඇමරිකාව යළි සිදු කළ ගැටලුකාරී පියවරකි.
මෑත වසර කිහිපය තුළ ඇමරිකාව ප්‍රමුඛ ඇතැම් බටහිර රටවල් නිතරම තායිවාන ප්‍රශ්නයට මැදිහත්වීම් සිදු කළේය. 2022 වසරේ අගෝස්තු මාසයේ එවකට ඇමරිකානු කොංග්‍රස් මණ්ඩල කථානායිකා ලෙස සේවය කළ Nancy Pelosi චීනයේ තායිවාන ප්‍රදේශයේ සංචාරයක නිරත වීමේදී G7 කණ්ඩායමේ විදේශ ඇමතිවරුන් ඊනියා ඒකාබද්ධ නිවේදනයක් නිකුත් කරමින් ඇමරිකාවට සහාය දැක්වීය.
තායිවාන ප්‍රශ්නය චීනයේ කේන්ද්‍රීය ජයග්‍රහණයේ වැදගත් කරුණකි. එකම චීනය පිළිබඳ මූලධර්මය ජගත් ප්‍රජාවේ පොදු එකඟතාවයක් වන අතර, එය ජාත්‍යන්තර සබඳතාවයන්ගේ මූලික ප්‍රමිතියකි. එමෙන්ම එය චීනය හා වෙනත් රටවල් සමග රාජ්‍යතන්ත්‍රික සබඳතා ස්ථාපිත කිරීමේ දේශපාලන පදනමකි. තායිවාන ප්‍රශ්නය අවභාවිත කරමින්, ජාත්‍යන්තර තලයේ යම් ආකාරයකට එකඟතාවයක් නිර්මාණය කිරීමට ඇමරිකාව සහ එහි මිත්‍ර පාක්ෂිකයින් අපේක්ෂා කළ ද, එය නිසැකවම පරාජයට පත්වනු ඇත.
මෑත වසර කිහිපය තුළ නව වෙළඳපොල රටවල නැඟී සිටීමත් සමඟ ලෝකය තුළ G7 කණ්ඩායමේ පැවැත්ම දිනෙන් දින අඩු වෙමින් පවතී. එය එහි ප්‍රධානියා වන ඇමරිකාවේ ආධිපත්‍යය ක්‍රියාත්මක කිරීමේ උපකරණයක් බවට පත්වී ඇත. ඔවුන්ගේ එකඟතාවයන්ට කිසිසේත්ම ජගත් ප්‍රජාව නියෝජනය කළ නොහැක.
වත්මන් ලෝකයේ ඇත්තේ එකම චීනයේ මූලධර්මයේ එක් අනුවාදයක් පමණි. එනම් ලෝකයේ ඇත්තේ එකම චීනයකි. තායිවාන ප්‍රදේශය, එම චීනයේම කොටසකි. චීන මහජන සමූහාණ්ඩුව, සමස්ත චීනය නියෝජනය කරන එකම නීත්‍යානුකූල ආණ්ඩුවයි. එකම චීනය පිළිබඳ මූලධර්මය ජගත් ප්‍රජාවේ පොදු සහයෝගය දිනා ගෙන ඇත. එය ජනතාවගේ ද පොදු අභිලාෂය හා යුගයේ ප්‍රධානම ප්‍රවණතාවයි. සන්ධාන රටවල් කිහිපයක් එකතු වී " තායිවාන ප්‍රශ්නය ප්‍රයෝජනයට ගනිමින් චීන සංවර්ධනයට බාධා එල්ල කිරීමේ" කුමන්ත්‍රණයට ශක්තිය ලබා දිය හැකි යැයි ඇමරිකාව අපේක්ෂා කරන්නේ නම් එය ඊටත් වඩා වැරදි සැලසුමක් වනු ඇති බවට නොඅනුමානයි.
