ආරක්ෂාව සහ ත්‍රස්තවාදයට එරෙහි ත්‍රෛපාර්ශ්වික සහයෝගීතාව තවදුරටත් ශක්තිමත් කිරීමට චීනය, ඇෆ්ගනිස්ථානය සහ පාකිස්තානය ප්‍රතිඥා දී ඇත.
ඊයේ(06) පාකිස්ථාන විදේශ අමාත්‍ය බිලාවල් භූතෝ සර්දාරි මහතා සහ ඇෆ්ගනිස්ථාන අන්තර්වාර රජයේ වැඩබලන විදේශ අමාත්‍ය අමීර් ඛාන් මුටාකි මහතා සමඟ පාකිස්ථාන අගනුවර පැවති චීන-ඇෆ්ගනිස්ථාන-පාකිස්ථාන විදේශ අමාත්‍යවරුන්ගේ සංවාදයට සහභාගී වූ අවස්ථාවේ දී චීන රාජ්‍ය මණ්ඩල සාමාජික සහ විදේශ අමාත්‍ය Qin Gang මහතා මේ බව පැවසීය. මිත්‍ර අසල්වැසියන් වන චීනය ගෝලීය සංවර්ධන මුලපිරීම, ගෝලීය ආරක්ෂක මුලපිරීම සහ ගෝලීය ශිෂ්ටාචාරයේ මුලපිරීම ක්‍රියාවට නැංවීම සඳහා ඇෆ්ගනිස්ථානය සහ පාකිස්තානය සමඟ ඒකාබද්ධ උත්සාහයන් කිරීමට සූදානම් බව ද Qin Gang මහතා සඳහන් කළේය.
ආරක්ෂාව සහ ත්‍රස්තවාදයට එරෙහි වීම සම්බන්ධයෙන් ඇෆ්ගනිස්ථානය සහ පාකිස්තානය සමඟ ත්‍රෛපාර්ශ්වික සහයෝගීතාව ශක්තිමත් කිරීමට චීන පාර්ශවය පොරොන්දු වී තිබේ. උපායමාර්ගික සන්නිවේදනය සහ ප්‍රතිපත්ති සම්බන්ධීකරණය ශක්තිමත් කිරීමට චීනය කැමැත්තෙන් සිටින අතර එමඟින් යහපත් අසල්වැසි සබඳතා සහ උපායමාර්ගික අන්‍යෝන්‍ය විශ්වාසය ඉහළ නංවනු ඇතැයි Qin Gang මහතා වැඩිදුරටත් පැවසීය.
ඇෆ්ගනිස්ථානය සහ පාකිස්තානය ත්‍රෛපාර්ශ්වික සහයෝගීතාව ක්‍රියාකාරීව ප්‍රවර්ධනය කිරීමට, දේශපාලනය, ආරක්ෂාව සහ ආර්ථිකය වැනි ක්ෂේත්‍රවල සහයෝගීතාවය සඳහා මාර්ග සිතියමක් සැකසීමට, රටවල් තුනේ පොදු අවශ්‍යතා ආරක්ෂා කිරීමට, අන්‍යෝන්‍ය ප්‍රතිලාභ සහ ජයග්‍රාහී ප්‍රතිඵල ලබා ගැනීමට සහ ප්‍රතිලාභ ගෙන ඒමට කැමැත්තෙන් සිටින බව Muttaqi සහ Bilawal යන විදේශ අමාත්‍යවරුන් පැවසූහ.
විදේශ අමාත්‍යවරුන්ගේ සංවාදයේ රාමුව තුළ සංවාද යාන්ත්‍රණය නැවත ආරම්භ කිරීමටත්, ආර්ථිකය, වෙළෙඳාම, කෘෂිකර්මාන්තය, දරිද්‍රතාවය අවම කිරීම සහ පිරිස් හුවමාරු කර ගැනීමේදී සහයෝගීතාව ශක්තිමත් කිරීමටත් රටවල් ත්‍රිත්වයේ විදේශ අමාත්‍යවරු ප්‍රතිඥා දුන්හ.
