සුඩානයේ ශීඝ්‍රයෙන් පිරිහෙමින් පවතින මානුෂීය අර්බුදය හමුවේ, එක්සත් ජාතීන්ගේ මහලේකම් ඇන්ටෝනියෝ ගුටරෙස් විසින් එහි හදිසි සහන සම්බන්ධීකාරක මාර්ටින් ග්‍රිෆිත්ස් "වහාම" සුඩාන කලාපයට පිටත් කර යවන බව එක්සත් ජාතීන්ගේ ප්‍රකාශකයෙක් ඊයේ(30) වැනිදා පැවසීය.
සුඩාන සෞඛ්‍ය අමාත්‍යාංශයට අනුව, අප්‍රේල් 15 වන දින සුඩාන හමුදාව සහ පැරාමිලිටරි කඩිනම් ආධාරක බලකාය අතර ඇති වූ ගැටුම් වලින් පුද්ගලයින් 500 කට වැඩි පිරිසක් මිය ගොස් තවත් 4,000 කට වැඩි පිරිසක් තුවාල ලබා ඇත. මිනිසුන්ගේ පැවැත්ම සඳහා අත්‍යවශ්‍ය පානීය ජලය, ආහාර, ඉන්ධන සහ අනෙකුත් තීරණාත්මක භාණ්ඩ ඉතා දුෂ්කර නාගරික මධ්‍යස්ථානවල, විශේෂයෙන් කාර්ටූම් හි හිඟ වෙමින් පවතින බව ද වාර්තා වේ. ප්‍රචණ්ඩ ක්‍රියාවලින් තුවාල ලැබූවන් ඇතුළුව හදිසි සෞඛ්‍ය සේවා සඳහා ප්‍රවේශය දැඩි ලෙස සීමා වී ඇති අතර එය වළක්වා ගත හැකි මරණයේ අවදානම ඉහළ නංවන බවට ඔහු අනතුරු ඇඟවීය.
ග්‍රිෆිත්ස් පැවසුවේ “එක රැයකින් ජීවිත උඩු යටිකුරු වී ඇති” මිලියන සංඛ්‍යාත ජනතාවට ක්ෂණික සහන ගෙන එන්නේ කෙසේදැයි ගවේෂණය කිරීමට තමා කලාපයට යන බවයි. සටන් නැවැත්වීම මෙම අර්බුදයට පැහැදිලි විසඳුම වන බව එක්සත් ජාතීන්ගේ සහන ප්‍රධානියා පැවසීය.
