ජාත්යන්තර මූල්ය අරමුදල ‘ලෝක ආර්ථික දැක්ම’ වාර්තාව නිකුත් කරයි. යාවත්කාලීන කෙරුණු එම වාර්තාව අද(31) සිංගප්පූරුවේ පැවති මාධ්ය හමුවක දී නිකුත් කරනු ලැබීය.
2023 වසරේ ගෝලීය ආර්ථික වර්ධනය 2.9%ක් වනු ඇති බවත්, 2024 වසරේ දී එම අගය 3.1% දක්වා ඉහළ යනු ඇති බවත් මෙම වාර්තාව පුරෝකථනය කර ඇත. එසේම 2023 වසරේ චීනයේ ආර්ථික වර්ධනය 5.2% ක් වනු ඇතැයි ද එහි දැක්වෙයි.
උද්ධමනයට එරෙහිව සටන් කිරීමට මහ බැංකු පොළී අනුපාත වැඩි කිරීම මෙන්ම රුසියානු-යුක්රේන ගැටුම දිගටම පැවතීම හේතුවෙන් ආර්ථික ක්රියාකාරකම් මත දැඩි බරක් පැටවෙන බව ජාත්යන්තර මූල්ය අරමුදල කියාසිටී.
2022 වසරේ ගෝලීය උද්ධමනය 8.8% කි. මෙම අගය මේ වසරේ දී 6.6% ක් දක්වා පහත වැටෙනු ඇති අතර, 2024 වසරේ දී එය 4.3% ක් වනු ඇත. නමුත් මෙම අගය පවා, 2017-2019 අතර කාලයේ එනම්, වසංගතයට පෙර අවදියේ පැවති 3.5% ක මට්ටමට වඩා ඉහළ බව ද මෙම වාර්තාව මගින් පෙන්වා දී ඇත.