ශ්රී ලංකාවේ ඖෂධ නිෂ්පාදනය ඉදිරි වසර කිහිපය තුළ 50% දක්වා ඉහළ නැංවීමට සැලසුම්
2023-01-26 16:42:44
Share with:
ශ්රී ලංකාවේ ඖෂධ නිෂ්පාදනය ඉදිරි වසර කිහිපය තුළ 50% දක්වා ඉහළ නැංවීමට ඉලක්ක කර ඇතැයි සෞඛ්ය අමාත්ය ආචාර්ය කෙහෙලිය රඹුක්වැල්ල මහතා පවසයි.
මේ වන විට ඖෂධ නිෂ්පාදනය 15% - 20% ක පමණ තත්වයක පවතී. රටට අවශ්ය ඖෂධ සැපයුම ප්රමුඛ අවධානයට යොමු කරමින් මෙරට ඖෂධ නිෂ්පාදනය ඉහළ නැංවීමට පියවර ගෙන ඇතැයි ද අමාත්යවරයා කියා සිටී.
රටට අවශ්ය ඖෂධ රට තුළම නිෂ්පාදනය කිරීමට අවශ්ය සහාය අයෝජකයින්, නිෂ්පාදකයින්, කර්මාන්තකරුවන් ඇතුළු සියල්ලන් වෙත ලබා දෙන බවත් හෙතෙම කියා සිටී.
ඒ සඳහා උපකරණ ගෙන්වීමේ දී බදු සහන ඇතුළු සහන රැසක් ලබා දීමට ක්රියා කෙරේ.