මෙක්සිකෝ ආර්ථිකයේ විශාලතම වෙළඳ හවුල්කරුවා වන ඇමරිකාව, මේ වසරේ අවපාතයකට ඇද වැටෙනු ඇති අතර, කලින් පැවති වෙළඳාම සහ ප්‍රේෂණ කෙරෙහි බලපෑම් ඇති විය හැකි බව ඇමරිකානු බැංකුව ඊයේ (20) ප්‍රකාශ කළේය. මෙක්සිකෝවේ දළ දේශීය නිෂ්පාදිතය 2023 දී සියයට 0.3 කින් වර්ධනය වනු ඇතැයි පුරෝකථනය කර ඇත. ඇමරිකානු බැංකුව මීට පෙර පුරෝකථනය කර තිබුණේ එය සියයට 0.5න් ඉහළ යනු ඇති බවයි.

දෙරටේ නිෂ්පාදන දාමය බෙහෙවින් අන්තර් සම්බන්ධිත වේ. මෙක්සිකානු අතරමැදි භාණ්ඩ ආනයනය මන්දගාමී වෙමින් පවතින අතර, එය ඉක්මණින් එරට අපනයනවලට බලපාන ප්‍රවණතාවක් පෙන්නුම් කරන බව බැංකුව පවසයි. ඇමරිකානු බැංකුවේ ඇස්තමේන්තුවලට අනුව බ්‍රසීලයෙන් පසු ලතින් ඇමරිකාවේ දෙවන විශාලතම ආර්ථික ඒකකය වන මෙක්සිකෝ ආර්ථිකය 2022 දී සියයට 3.1න් වර්ධනය විය.